【多圖】胡杏兒為愛子Brendan慶祝一歲生日 BabyLee望蛋糕流口水
撰文：洪曉璇
出版：更新：
Brendan眨下眼已經一歲啦﹗（IG圖片）
胡杏兒自從做咗媽媽之後，雖然無放棄事業，但囝囝Brendan始終放喺第一位。早前杏兒宣佈因為「家庭及工作上會有新發展」所以不續約蕭定一公司，回復自由身後第一件事，就係為囝囝慶祝一歲生日﹗
胡杏兒自從生咗囝囝Brendan後，經常幸福感洋溢。（胡杏兒IG）
+6
杏兒囝囝李奕霆（Brendan）10月10號一歲啦﹗李生李太幫囝囝準備咗大型Brendan 汽球作裝飾，仲有2個靚靚大蛋糕，睇到Brendan眼都唔眨，李生都笑言已放棄要個仔望鏡頭，由得佢注視2個蛋糕啦。
爸爸媽媽肉緊錫錫Brendan，搞到佢執塊面都變晒型。（胡杏兒IG）
懷胎十月兼經歷十級痛楚誕下囝囝嘅杏兒則感性留言話：「我的寶貝兒子，感覺昨天才把你從醫院抱回家，一晃眼你已經一歲了，每天看著你，希望你長大，又捨不得你長大。很感恩打從一出生你就被這麼多的愛包圍著，感謝所有疼愛你的人。希望你可以一直健康成長，乖乖的，要孝順奶奶及長輩，最重要的是，希望你可以一直做一個開心搞笑的寶寶，媽媽和爸爸很愛你！」
Brendan眼都唔眨望住2個蛋糕，口水都就流出嚟啦。（IG圖片）