男優「朱古力波」腦血管爆裂 留院4個月半身失知覺:忍唔住喊

撰文:
最後更新日期:

現年51歲的朱古力波腦血管爆裂後,半年間暴瘦40幾磅。(網上圖片)

人稱「朱古力波」嘅前男優向山裕曾演出逾4000部AV片,亦參演過港產片《戀上你的床》。現年已51歲嘅佢去年因腦血管爆裂導致左邊臉癱瘓、左半身失去知覺,他近日接受日本傳媒訪問時,透露自己經歷死過翻生後,暴瘦16公斤,昔日的肌肉男已變成瘦柴大叔。
 

朱古力波真係死過翻生。(網上圖片)

朱古力波指自己以前急於賺錢,曾在1個月內演40套AV片,加上無酒不歡,最終落得如此下場:「左邊臉癱瘓,左半身失去知覺,入院後發現是右腦血管爆裂,人有意識但不能說話。我留院4個月期間,天天拚命做體力鍛練,後來醫生也驚訝我可以那麼快康復。」他在訪問中提到是因為記得摔角手豬木先生說過,只要有精神的話,什麼都可以做,他因而扚起心肝努力做物理治療。
 

幸好他憑住毅力,努力咁做物理治療,現時體力雖大不如前,但都可以行得走得,亦能打理酒吧生意。(網上圖片)

出院後,他在去年底在東京開設酒吧「Chocoball Family」,不過他自覺體力已不大如前:「試過抺玻璃時隻手用唔到力,我忍唔住哭出嚟,為咗可以工作,我就去做Gym,唔係想好似昔日周身筋肉,而係希望可以有番體力。為咗健康,我對攝取鹽分好注意,不時檢查血壓。」朱古力波在90年代入行,全盛時期年賺175萬港元,他指自己現在收入雖然大不如前,但能夠健康咁生活已經係一件幸福的事。「我仲好關心2020年東京奧運。我的第二人生,健康最重要,現在不可以跑得快,但我想參加殘疾人奧林匹克運動會。」

朱古力波曾在1個月內演40套AV片。(資料圖片)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。