【後生仔傾吓偈】馮盈盈堅持沖涼先上床 6號：似油麻地光管嗰啲
撰文：鄺鈺瑩
出版：更新：
FYY寫出自己的原則後，自己都忍唔住喪笑。
新一集《後生仔傾吓偈》以「原則」為主題，陸浩明一開始就話《後生仔》呢個節目愈做愈無原則可言，之後佢就叫大家寫出心中最大的原則，有後生仔指自己最接受唔到滿身大汗就坐上床，FYY聽到之後都話十分認同，亦順勢公開自己的原則「不沖涼不上床、我最正 No.1、不要影響身邊人、be happy」呢啲到底係咩原則？麥明詩睇到之後，就狂笑表示：「呢個似人哋企街開門做生意」而6號亦都表示好似油麻地光管嗰啲……
麥明詩的原則係質疑任何事物、討厭雙重標準。
FYY之後逐一解釋，指不沖涼不上床係個人衛生問題，而我最正係自我價值肯定的一種，她更指出呢一點只適用於佢嘅伴侶，6號聽完之後，隨即表示FYY男友曾經讚麥明颯靚，導致硬食FYY一巴掌……由於四個原則都太唔原則，於是6號提議揀出中心最緊要的原則，FYY即時港女上身，揀出「我最正 No.1」……節目之後又討論到情侶之間的原則：當天的事（吵架）當天要解決，曾同男友經歷9小時吵架的FYY就話非常唔認同，更笑言唔會因為同對方吵架而瞓唔著，麥明詩聽完之後，就話：「因為點嘈寶寶都唔會離開你……點知真係有日離開咗。」有後生仔就多口問萬一真係發生呢件事FYY會點，佢就好老定咁話：「唔會囉，無可能」之後更舉行自己的原則「我最正 No.1」