【短暫的婚姻】潘燦良對緣份情有獨鍾 :唔係每個人都幸運地遇上

撰文:
最後更新日期:

潘燦良今日(10日)出席由他主演的舞台劇《短暫的婚姻》記者會,阿燦更解說自己飾演的角色:「我角色佢老婆係一年前離世咗,會係到沉溺喪妻之痛,然後遇上樓下夫婦,有一啲發展,大家記得嚟睇。」阿燦演出舞台劇的經驗豐富,更奪得舞台劇男主角大獎數次,這次也不會難到他?「唔可以咁講,我絕對唔會話點樣就難我唔到,每一個戲都會有佢難度,雖然我做咗演員都一段唔短日子,但唔會話每個角色都會擅長。」

潘燦良今日(10日)出席由他主演的舞台劇《短暫的婚姻》記者會。(陳順禎攝)

問到電視劇版和舞台劇版的《短暫的婚姻》最大分別是什麼?阿燦直言也挺大分別:「其實編劇希望寫呢一個劇係探討婚姻問題,四個不同主角有婚姻不同階段。」說到婚姻常常也有人問阿燦婚姻的事,阿燦說到其實已經回答了很多次,所以不說和蘇玉華之間的事,而阿燦則是分享對婚姻的看法,「其實我好尊重婚姻,婚姻係一件好神聖嘅事,我相信兩個人走埋一起係一種難得緣份,如果能夠白頭到老都係幾可歌可泣嘅事,因為亦都要有緣走得上然後又可以共同分享大家嘅生活,我諗唔係好幸運每一個人都遇到,但遇到你又會點經營呢?呢一個係好難,我相信每人都唔同階段學習當中,我都學習緊。」

阿燦劇中會被蝦頭(楊詩敏)係愛情上瘋狂進擊,台上阿燦笑言要離蝦頭遠少少。(陳順禎攝)

電影《逆流大叔》中的一角由阿燦飾演,上映至今他的角色亦深受大眾喜愛同時也令阿燦成為電影圈中「搶手貨」,不過阿燦在舞台劇方面一直是劇接劇,阿燦如何選擇?「近排真係比較幸運,好多朋友接觸我,但我舞台劇關係,我今年成半年日子都滿哂,尤其係你知電影要幾個月,但因為做舞台都接唔到,所以睇緣份啦。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。