【珠光寶氣】陳鴻烈、岳華演技爆發表情細膩 劇中巔峰一幕逐格睇

撰文:
最後更新日期:

《珠光寶氣》接近進入最後階段,宋世萬(陳鴻烈飾)終於被賀峰(岳華飾)算計成功,千年道行一朝喪,而且還要被賀峰當面奚落,心情當然大受刺激,兩人你來我往、唇槍舌劍、各不相讓。這場戲可以說是成套《珠光寶氣》中最精彩的一幕,兩位老戲骨各自將自己的演技展施出來,岳華由一直被吃住到今日終於吐氣揚眉,那麼囂張和鋒芒盡露的表情令人為之一振。而陳鴻烈雖然是飾演一個虎落平陽的角色,但那種吃驚而不忿,氣得面上每一個毛孔都像發煙的表情,最後拿起煙灰缸想要打岳華,繼而被推倒的動作,一氣呵成而不做作,沒有演技絕對做不來。

呢一幕經常被網民拿出來。

立即睇吓兩人細緻嘅表情:

+14
+14
+14

這幕戲得到不少觀眾讚賞,兩位老戲骨發揮得淋漓盡致,雖然現今已再沒有可能看到兩位的演出,陳鴻烈已經仙遊,岳華亦已退出幕前,但能夠重溫也算是一種幸福。陳鴻烈生前曾經就這場戲說過:「呢段戲喺青島拍,嗰陣係夜晚,我呢一生人撞過好多咁嘅人,當你對佢好,捧佢起嚟之後,佢就忘恩負義、過河拆橋,喺我人生中間我見過好多個,所以我真係好憎呢啲人,呢啲人直情係反骨。喺戲中我撞到岳華,戲中佢又係過河拆橋,所以我好憎佢,好憎佢所以我演得不但眼神,啲戲都要用力做出嚟。嗰晚已經拍到兩點至三點,所以真係非常辛苦,而且要用力谷戲上嚟,要谷到嗰啲面上嘅筋要出晒嚟,所以係好辛苦。當然,兩個人配合好重要,岳華做得好好,你知佢同我一齊長大,我哋配合度好好,呢場戲好順暢,我自己都好滿意。」連他自己本人也好滿意,難怪觀眾們看得如此過癮。

可以預告,陳鴻烈之後嘅演出仲精彩。

【珠光寶氣】90後兒時回憶 黃樂兒做兒童節目出位但拍劇機會少

【珠光寶氣】王天就飾演Danny得一幕卻搶眼 30歲因癌症英年早逝



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。