【警訊】方力申演騙徒怕被學生誤會 期待墮入美女騙案
撰文：趙允琳
出版：更新：
方力申（Alex）今日（10日）為《警訊》拍攝模擬騙案片段，雖然身穿警服，但卻扮演一個騙子：「今次個主題係唔好以貌取人，就算個樣生得正經，都唔好咁易相信佢，壞人係無樣睇嘅。」Alex稱有特意拜託導演讓他的角色最後能走回正軌：「我以前拍美女廚房又話我口花，拍一啲情場騙子嘅角色又話我會欺騙感情用情不專，而家啲小朋友有跟我學游水，我驚佢哋會誤會我！」
Alex表示自己沒有被騙徒行騙的經驗，但就說很期待被美女呃：「我都好想真係有個美女行過嚟，睇吓我會唔會受騙！」
方力申（Alex）在《警訊》模擬騙案中片段飾演一個騙子，他表示擔心游泳學生會誤會他，所以特意拜託導演讓他的角色最後能走回正軌。（陳順禎攝）
日前Alex得到球星馬布里（Stephon Marbury）的邀請，到上海看籃球賽，他指今次是第一次與馬布里見面：「我哋喺馬布里一個退役派對上面認識，之前我哋只係網友，大家喺社交網站互相comment。啲人搵佢影相佢仲有求必應，係一個好好嘅榜樣。」Alex這趟籃球之旅更帶了爸爸同行，他說從來也沒有見過爸爸笑得如此開心。Alex有沒有集郵跟球星合照？「唔夠我老豆多！雖然同咗好多退役嘅傳奇球星合照，我當然希望同現役（嘅球員合照）啦，但現役嗰啲就集唔到啦。」
Alex表示自己其實不容易被騙，但就很想試一下被美女騙，看看自己會不會受騙。（陳順禎攝）