【短暫的婚姻】蝦頭自爆每段情主動出擊:愛情唔靠自己爭取點得?

撰文:
最後更新日期:

蝦頭(楊詩敏)今日(10日)出席舞台劇《短暫的婚姻》記者會。在舞台劇中將會飾演一位律師,蝦頭更為角色做好功課,更稱簡直是人生一大挑戰:「其實我冇做過專業人士㗎,我通常接嘅角色都係比較草根啲,一係就俾人蝦,一係就係蝦蝦霸霸,喜感比較重。」

蝦頭(楊詩敏)稱與舞台劇的角色一樣,在感情上比較進取,更大爆自己會有機心地接近對方。(陳順禎攝)

劇中的角色對感情非常進取,現實中是不是也是這樣?蝦頭自爆從來未被追求過,但每次都是自己主動出擊:「我追佢嘅手法唔會話好主動地話『我而家擺明去追你啦』,但我會成日喺嗰個人身邊出現,然後令佢好留意我。又會識哂佢身邊啲朋友,同佢身邊啲人熟咗,見見吓做咗朋友之後就會喺埋一齊。(咁都幾有機心喎!)愛情,你唔靠自己爭取,點得㗎?你遇到個鐘意嘅人,唔通話『你嚟追我啦!』咁咩?自己要爭取自己想要嘅嘢!」

她說自己雖然對結婚沒有什麼想法,但不排除會奉子成婚。(陳順禎攝)

對於婚姻又有什麼看法?蝦頭稱:「兩個人喺埋一齊係咪一定要一紙婚書去確認我哋嘅關係呢?因為唔喺婚姻制度下我哋都可以一生一世㗎嘛。又或者係我暫時未搵到一個人係會覺得我一定要同佢結婚嘅人。」她說除非突然有了小朋友才會有結婚的念頭:「有小朋友你要填出世紙始終都要有父母嘅名,如果唔係咪變私生子?可能咁就會結婚囉,但最好唔好咁啦!哈哈!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。