【嫁到這世界邊端2】養足瑞典老公12年 港女毛毛:愛是恆久忍耐

撰文:
最後更新日期:

「愛情和麵包哪一個重要?」每個人對愛情的的想法都不同。陳貝兒主持的TVB真人騷《嫁到這世界邊端2》前三集的兩位韓國幸福人妻秋仔和Joan截然不同的故事,都分別感動萬千觀眾。來到最新一集,就輪到瑞典人妻毛毛登場!別看現在毛毛能夠與老公一同移居北歐悠閒地生活,過着少奶奶的生活令人羨慕。選擇愛情的毛毛甘願為老公付出所有,更試過一個人打工撐起四口之家足足十二年。

今集輪到瑞典人妻毛毛和老公Johan登場。(電視截圖)

【嫁到這世界邊端2】腎病人妻靠志偉支付醫藥費:佢係再生父母

港女毛毛與前夫離婚,成為單親媽媽時只得24歲。一次偶然的機會,毛毛在網上認識了與自己同齡的瑞典男Johan。瑞典男Johan當時是一名讀設計的大學生,年輕有才,毛毛更笑言:「根本冇辦法唔死係佢手上。」雖然毛毛離婚後,都曾得到不少香港男仔的追求,但對方只要知道毛毛離過婚,就會即時消失。唯獨瑞典男Johan不介意她的過去,毛毛更透露:「佢當時畀我張相媽咪睇,話離過婚。佢媽咪竟然話好喎,呢啲女人成熟。阿仔你去搵佢啦!」

毛毛在節目中坦言認識瑞典老公前曾有過一段婚姻,仲生埋個女。

當時瑞典男Johan賣掉瑞典的物業,帶着20萬的旅費飛來香港找毛毛並決定留港發展。為了瑞典男Johan可以有簽證留港發展,毛毛決定與對方裸婚。由於男方的旅費已用得八八九九,他們的結婚戒指都是毛毛出錢買。婚後,瑞典老公Johan工作未如理想,頭四年一直都找不到工作,之後雖然試過開公司,但收入相當不穩定,前前後後足足12年。「當時收入有限,要養爸爸、個女仲要養埋個老公。當時返工又係我,放工仲要煮飯,都好大壓力。」當時毛毛只是一名售貨員,但為了老公面子,她亦不敢向外人透露。被陳貝兒問到在瑞典老公花了多少錢,毛毛稱:「我冇計呢樣嘢,佢使我幾多錢。我覺得係要互相支持,唔係當一個人唔掂嘅時候,我就要走。要同佢計,咁有咩意思呢?冇意思。」

當時毛毛每天的生活就是返工、放工和煮飯。(電視截圖)

雖然為了瑞典老公甘願付出所有,並養足對方十二年。但毛毛就透露當時瑞典老公的朋友覺得她學歷低配不上,還曾勸Johan另找他人。直到有一次,毛毛發現原來瑞典老公上網自學成才,在他們一起的第十三年,瑞典老公終於被一間大公司聘請成為設計師。「佢出第一份糧嘅時候,我哋去超級市場買嘢食。平時都係我畀錢,嗰下佢竟然攞自己張卡去畀錢,呢個動作可能好多人都覺得係應份,但我嗰一刻流咗眼淚。」

望見老公終於有錢埋單,毛毛杷當感動。(電視截圖)

+2

毛毛可謂苦盡甘來,瑞典老公工作一年後,就得到一間瑞典公司嘅聘請。他更索性帶住老婆返老家,供養她做幸福少奶。節目最後,毛毛更有感而發說道:「爸爸過身之前話呢個男人,你唔好同佢結婚,我希望我爸爸知道我依家幸福!」,相信電視機前面的觀眾都睇到眼紅紅,亦替現在的毛毛感到高興。

陳貝兒節目中講到:「好多女仔嫁人之後都會想對方照顧自己,但毛毛係唔計,如果知道件事係冇咩把握,其實應該好多人都會退咗落嚟,但佢完全冇,唔係一兩年,而係十幾年。我覺得唔係容易嘅事,係要好有愛先做到。」(電視截圖)

毛毛接受《香港01》訪問時,被問到若老公至今未能成才會否養對方成世,她表示:「我唔會養佢成世,因為我等緊我老公成功,幾長時間我都等。(嗰陣唔怕俾佢呃?)一個信字同埋感覺,雖然佢個人成日唔係好講出口,但我覺得佢唔會呃我嘅。(有冇一刻想放棄呢段感情?)我從來都冇諗過放棄,我係一路等,但我老公嗰陣時都有,你知男人嘅自尊心,佢都有諗過放棄,但我一直鼓勵佢。(當時咩原因令你繼續呢段感情?)愛是恆久忍耐。」

訪問時,提到老公毛毛總有一絲絲甜意。

點擊下圖重溫毛毛與瑞典補影結婚相

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。