鄭衍峰玩轉澳洲 孖媽咪玩Skydive無有怕！
撰文：黃欣華
出版：更新：
TVB娛樂新聞台主播鄭衍峰（Leonard）早前做個孝順仔，帶埋父母一齊去澳洲悉尼、黃金海岸同墨爾本旅行，難得嚟到澳洲Leonard都有趁機挑戰Skydive（跳傘），活力十足的鄭媽媽都有玩，真係相當有膽色！
放假陪父母去旅行，真係好孝順！（IG圖片）
當時飛到上天，氣溫好低但Leonard就笑言自己為咗型，決定着背心跳：「識我嘅人都知我唔會玩機動遊戲，因為我好唔鍾意離心力感覺，但人生Bucket list（願望清單）裡面有想試吓飛嘅感覺，覺得去到澳洲點都要跳一次。但後來發覺會跳上癮，想去更多唔同地方跳。」
着小背心跳，唔知Leonard有無冷親呢？（受訪者提供）
一向注重外表的Leonard跳前還提醒自己唔好擘大個口，以免面容扭曲：「之前聽人講一定唔好開口跳，因為啲風會搞到你面容扭曲。我有記住呢點，但真係跳落去嗰吓，實在太唔真實。自然O嘴，跟住忍唔住大叫！終於明白啲人點解第一次跳會喊，因為可以飛嘅感覺好奇妙。」另外，Leonard非常佩服媽咪都夠膽挑戰Skydive，仲大讚媽咪勇氣勁過自己添！
鄭媽媽真係好有膽色呀！（受訪者提供）
+1