林愷鈴首次擔正MV女主角:王梓軒孭住我上百級樓梯

撰文:
最後更新日期:

林愷鈴(Ashley)昨晚(11/10)現身中環舉行的雜誌創刊30周年派對活動。Ashley於2016年以唱作歌手、演員及模特兒身分加入香港娛樂圈,因工作關係經常亮相各大品牌活動,人氣急升備受關注,早前更成功入讀香港大學建築系。「依加返學時間自由好多啦,多咗時間做自己嘢,學校地方又大咗,依加都有認識新同學,試過排隊時會有啲人認得我同我打招呼,話認得我話好鍾意我,我都會好開心佢哋咁支持我。」

Ashley表示因工作關係多了人認識,回到校園時,好開心得到好多新同學鼓勵。(葉志明攝)

Ashley 最近與歌手王梓軒合作,擔正做MV女主角。「好開心可以同梓軒哥哥合作,呢首歌係我特別好欣賞,並唔係講愛情,係講尋找自己,點樣跨越難關,在MV中我同梓軒係情侶關係,有幕佢要孭住我想上百幾級樓梯,當時天氣都好熱,我仲問佢得唔得,因為我都唔輕㗎,上上落落都拍咗好幾次,都知佢都辛苦嘅,但拍出嚟果效果真係好好,相信大家到時一定會鍾意。」

Ashley首次擔正MV女主角。(葉志明攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。