【全民造星】姜濤比賽未完新劇擔正男一 怕醜表示下年可能騷肌

撰文:
最後更新日期:

ViuTV昨日(11日)舉行《2019年節目發佈會》,《全民造星》10強參賽者載歌載舞,為發佈會揭開序幕。奪冠大熱姜濤還未完成比賽,就已經在下年播出的節目中亮相,包括出演電視劇《退休女皇》及《信任的遊戲》,在整個發佈會上多次出場風頭盡現。被問到會否覺得自己是全場的主角,姜濤謙虛表示:「唔會唔會,我都係第一次參加發佈會,所以我都無乜經驗,我覺得出鏡多啲都係好事嚟,因為可以累積多啲經驗。」
 

姜濤昨日(11日)在ViuTV的《2019年節目發佈會》上出場率最高,未完成比賽就已經在下年播出的節目中亮相,包括出演電視劇《退休女皇》及《信任的遊戲》。(陳順禎攝)

身為參賽者中出場率最高者,似乎已經被視作公司的頭號栽培對象,他表示很感激自己被重視:「好多謝佢哋畀咁多機會我,公司睇中咗我好多talents(才能),我都唔想辜負佢哋嘅期望。」被問到是否已經簽了合約,他表示會以比賽行先,現在還在考慮中。

被ViuTV視作頭號栽培對象,他表示很感激公司能給他機會希望自己不會辜負他們期望。(陳順禎攝)

星期日(14日)就是《全民造星》的決賽,姜濤表示現在還在苦惱舞台的表演形式,,希望能通過最後的表演把所有學習到的東西一次過呈現給觀眾。他表示在決賽前夕壓力爆煲,大呼:「好想快啲完!我而家唯一支撐我去到決賽嗰日就係15號(星期一)嗰日可以食嘢!」(係唔係減緊肥會騷肌?)姜濤立刻耍手擰頭面紅說:「吓?梗係唔會啦未到嗰個階段,可能下年先,哈哈!我都唔知啊,可能遲啲又變返更加肥呢。」

最近施政報告發表後掀起全城討論,姜濤有沒有留意?他表示:「最近太忙都唔係話好得閒去留意,我忙完個決賽先可以去留意返。」(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。