【嫁到這世界邊端2】瑞典人妻澄清沒棄女:佢而家21歲有自己生活

撰文:
最後更新日期:

陳貝兒主持的TVB真人騷《嫁到這世界邊瑞2》自播出以來,迅即引起不少討論。日前一集,講到失婚港女毛毛為了瑞典老公甘願付出所有,並養足對方十二年。最後毛毛苦盡甘來,隨老公移居瑞典過少奶奶生活。節目出街後,由於沒有交代毛毛女兒如今的去向,令不少網民都質疑她是否已拋棄女兒,獨自隨愛郎回瑞典生活。

毛毛現在與瑞典老公過着幸福的生活。(受訪者提供)

【嫁到這世界邊端2】養足瑞典老公12年    港女毛毛:愛是恆久忍耐

面對網民的謾罵聲,毛毛接受《香港01》訪問時表示:「其實我個女已經好大個,獨立咗,喺香港教緊書,我同佢關係都好好。上年我過嚟瑞典呢邊,而家過咗嚟都年幾,嗰陣時個女都20歲,佢都有權選擇嚟唔嚟。而且佢而家都有自己嘅生活,佢唔會過嚟瑞典。」

毛毛透露今年三月曾回港。(受訪者提供)

毛毛亦透露女兒都有替她感到不值,她稱:「我個女都有同我講,佢話媽咪呀,而家啲人話你唔要我呀,啲人好衰呀,我都有叫個女唔好理佢哋,但佢話啲人咁樣講我,佢會唔開心。」毛毛亦笑言:「我希望呢幾年內我可以抱孫,已經唔係講緊我生唔生仔啦!」

毛毛笑言希望女兒快啲結婚生子。(受訪者提供)

另外,毛毛覺得這些年來自己並沒有「包養」瑞典老公,她稱:「其實雙方都付出,愛唔係單方面。我出去努力搵錢嘅時候,我老公都有努力增值緊自己。我養足佢十二年,係互相支持,唔通而家我一路都唔做嘢,佢又『包』返我幾多年咩!」毛毛亦強調瑞典老公多年來都很愛錫她:「其實佢一路都好好,只不過佢以前冇能力負擔屋企(生活)。佢而家都同我講,嚟到呢度,慢慢學瑞典文,唔使急住搵嘢做,佢同我講之後想做啲乜嘢都可以,佢都好支持我。佢仲話所有嘢,唔需要我擔心!」毛毛對老公一往情深,如今過着幸福的生活,真心替她感到高興。

毛毛苦盡甘來,如今積極學瑞典文融入當地生活。(受訪者提供)

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。