【跳躍生命線】劉佩玥公開老公要求 親自教你點樣分周志文周志康

撰文:
最後更新日期:

劉佩玥(Moon)與周志文的緋聞日前因為一次船河直播激咀而再被翻熱,雖然阿Moon早前已經澄清過與志文只是「好好朋友」關係,不過凡事無絕對,今日(13日)阿Moon就公開對未來老公的要求,而且親自教大家分辨孿生兄弟周志文和周志康。

劉佩玥今日以一襲碎花連身裙出席活動。(葉志明攝)

大讚馬神扮嘢叻

無綫劇集《跳躍生命線》剛於周一(8/10)首播,觀眾看過後都一致好評,大讚追看性十足,尤以何廣沛的演技爆發成為焦點,更有網民直讚搶眼媲美馬德鐘!不過阿Moon亦不執輸,長腿女鐵騎的形象讓觀眾耳目一新,畫面中一舉一動都非常熟練,顯然事前下了不少苦功。不過阿Moon表示今次拍《跳》劇最大的難題,是要面對男神馬德鐘(馬神)。

「馬神除咗係一個好專業、好可敬嘅演員之外,佢仲好好笑。」劉佩再續說:「呢部劇最難嘅就係要我忍笑,佢好鐘意模仿其他演員,我覺得大家應該要邀請佢去扮吓其他人,佢會扮Ming Sir(劉兆銘),又扮我大笑同傻笑,我都成日同佢『示愛』,讚佢靚仔。」

阿Moon在《跳》劇中扮演「馬神」下屬,是救護隊目,而何廣沛在劇中飾演救護學員卓家傑,演技大獲好評,兩個角色於故事中發生感情!(葉志明攝)

到底馬德鐘版本的劉佩玥大笑係點嘅呢?(資料圖片)

阿Moon話周志文「百變」睇極唔厭

提到示愛這回事,仿佛在提醒記者阿Moon與周志文的緋聞。能夠惹來大家的誤會,絕非無中生有,雖然周志文與志康這對孿生兩兄弟出道已有十年之久,但若在街上同時遇見,或者只有忠粉才能秒分二人,而阿Moon亦是其中之一,她說:「我從來都無將佢哋認錯!」

很多人都說周志文、周志康超級似樣,阿Moon不以為然:「我真係唔覺得佢哋兩個似樣喎,即係我隻眼好,我嘅視力唔係咁好,但係我眼光好好!(二人最大分別是?)周志文未結婚、周志康結咗婚!其實佢哋面上有唔同癦喺唔同嘅地方,同埋隻眼係好唔同,阿康隻眼雙眼皮啲,阿文會有時雙眼皮同三眼皮,好百變,睇極都唔會厭!」

圖中左邊第一位係周志康,亦是《跳》劇的演員之一(葉志明攝)

阿Moon眼光好,而周子文又睇極都唔厭!所以呢?(VCG)

公開老公要求:阿文溫柔啲!

阿Moon除了眼力好,耳力都不弱,聽聲音就能分辨周志文、周志康:「阿文溫柔啲,阿康就活潑啲,(你喜歡哪種?)我兩樣都鐘意!咁如果我第時男友或老公,可以集合溫柔、活潑、再加啲成熟,同埋鄭子誠嘅韻味,我覺得會非常之好!」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。