迪麗熱巴以金色戰袍登基 最靚金鷹女神另有他人?

撰文:
最後更新日期:

劉亦菲係第一屆金鷹女神,佢件戰袍真係唔係普通人可以著到。(視覺中國)

被喻為國內電視盛會之一嘅金鷹電視藝術節,自06年第六屆開始,每年都會以票選方式,揀出一位既靚又人氣高嘅女星擔任「金鷹女神」,最新一屆「金鷹女神」由迪麗熱巴出任,相信都無乜人反對,日前佢以半透明龍袍絕美登場,網民即時讚好,仲誇張到話女神就算「穿破布都好看 」。

劉詩詩呢件戰袍,同家燕媽媽登基造型有得揮。(視覺中國)

其實要做「金鷹女神」一啲都唔容易,睇返過往幾屆女神趙麗穎、劉詩詩、劉亦菲、王珞丹、唐嫣、李小璐全部都係當時炙手可熱的女星,以第一屆劉亦菲為例,曾當選為中國80後十大傑出代表人物嘅佢,05年憑《神雕俠女》人氣急升,06年即以19歲之齡獲選「金鷹女神」。第四屆女神劉詩詩,2011年因《步步驚心》而火速上位,成為國內新生代花旦之一,人氣一時無兩。至於趙麗穎,早在《花千骨》、《楚僑傳》前,佢就以《陸貞傳奇》而打開知名度,並火速成為第五届「金鷹女神」。

趙麗穎暫時係哩一一位無以金色戰袍上場嘅女神!(視覺中國)

仙女一樣!(視覺中國)

作為電視界一大盛事,每一屆女神戰袍都會由專人精心打造,並規定以金色為主。不過,趙麗穎當選那一年,佢就以一襲珍珠白色拖尾長裙登場,加上舞台的燈光,猶如仙女下凡一樣,難怪唔少網民都認為歷屆女神,最靚一定係趙麗穎。

迪麗熱巴呢套戰袍採用中國傳統宮繡中的金繡技法,耗時1200小時製作。(視覺中國)

李小璐(左)同唐嫣件戰袍都幾出事。(視覺中國)

+9
+8
+7


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。