【跳躍生命線】張㬢雯背心車房女造型勁吸晴 ：好慶幸著背心短褲
撰文：秦志鴻
出版：更新：
張曦雯（Kelly）憑著高挑的身形、甜美的面孔，一直被視女神級數，最近在無綫劇集《跳躍生命線》中飾演車房女一角更惹來網民截圖熱討，原因是她經常以小背心示人，有一種莫名的性感。對於搶鏡的造型，今日（13日）出席《跳》劇宣傳的Kelly不敢邀功：「啲造型全部都係公司安排嘅，都係啱返個角色，咁整車好熱㗎嘛，車房唔係度度都有冷氣，當時我哋又係夏天拍，我都好慶幸被安排著背心短褲！」
Kelly今日以一襲黑色碎花連身裙示人，與同場同樣以高見稱的劉佩玥非常搶鏡！（葉志明攝）
高度成為演員障礙？
Kelly除了是演員之外，同時亦是一名芭蕾舞教師，不過，她對演戲亦非常熱衷，希望可以繼續做演員，飾演不同角色。
【跳躍生命線】張曦雯生得太高難搵男對手 只得少數男藝員襯到佢
問她的高挑身形會否成為她的演員障礙？她說：「其實唔會嘅！阿Moon都好高！睇吓邊個可以做到拍擋囉！（公司的男演員不夠你高？）都唔係嘅，其實公司都好多高嘅男仔，我望落去高，但其實有好多男仔都比我更加高！」
今日（13）的《跳》劇宣傳活動上，Kelly比不少男藝人都高！（葉志明攝）
不介意男友矮
Kelly要找一個比自己高的男拍檔已經寥寥可數，如果要成為女神的男友，豈不是難上加難？Kelly笑謂：「都無話一定要有高度要求嘅，但高過我嘅話，個男仔個自我感覺會唔會良好啲呢？所以要睇吓佢自己肯唔肯接受，（你可以接受比你矮的男性）都ok嘅，（不準你穿高踭鞋？）呢個唔係問題，除咗做嘢，我平時都好少著高踭鞋！」