劉心悠幫襯平民改衣被指是慳妹:我着XXS碼,要改細先着到

撰文:
最後更新日期:

劉心悠今日以大使身份出席心臟健康活動,她表示自己都試過開工前唔夠瞓,到開工時有太大運動量就會覺個心唔舒服,在接受《香港01》訪問時表示:「有少少頂唔順,好似抖唔到氣咁樣。」所以平日如果不用開工時,她都會多注意休息。提到她今年會跟香港芭蕾舞團合作,演出經典芭蕾舞劇,心悠說:「依家日日都要拉筋,踢腿,做一字馬,雖然細個5、6歲時有學過芭蕾舞,但都要pick up返。我好緊張,從未試過喺台上跳舞,自己一直都好想喺台上演出芭蕾舞,呢個亦係我人生願望之一,好開心就嚟可以實現。」

劉心悠提醒大家如果唔夠瞓,千其唔好做劇烈運動。(張嘉敏攝)

另外,提到最近有報道指她拎住一大袋衫去平民改衣店給改衫師傅修改,形容她是慳妹一名,對此心悠表示:「其實我啲衫要改係好經常發生嘅事嚟,因為我要着XXS碼嘅衫,腳都好細,要着34號鞋,係童裝size嚟。所以好多時去買衫又或者係戲服都會唔啱着,一定要改細啲先啱身,所以都幾麻煩。」

心悠身材咁嬌小,難怪要改細啲衫先着到。(張嘉敏攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。