【全民造星】姜濤奪冠成功脫毒 下一步是追回暗戀過的女孩?

撰文:
最後更新日期:

ViuTV選秀真人騷《全民造星》昨晚(14日)在九龍灣展貿中心舉行總決賽,最後由大熱門姜濤奪得冠軍,獨得100萬獎金。問完騷一刻最想做咩?姜濤接受《香港01》訪問時笑謂:「我好想食嘢!其實唔係,我想見晒支持我嘅人,多謝佢哋。(你本身都坐定粒六贏冠軍?)其實我好少留意外界話邊個大熱,我初衷係想做一啲香港好少有嘅表演,我冇諗過做呢樣嘢會獲得獎項,所以好多謝大家。」

《全民造星》昨晚圓滿落幕,最後由姜濤脫穎而出,贏得冠軍。(陳順禎攝)

提到姜濤整晚表現穩定,他謙稱自己仍有不少進步空間:「始於冇一個表演係Perfect。」至於100萬獎金打算點使?姜濤就非常大方:「我有諗過係第一時間請大家食嘢,因為呢個獎唔單止係我嘅,仲有好多之前幫助我嘅人。(肥仔叫你請佢去旅行!)可以吖,真係冇所謂,因為呢100萬唔係屬於我,我都想去旅行放鬆下,但唔知有冇時間!」已接拍劇集《信任的遊戲》和《退休女皇》的他又說:「我諗聽日(15日)未使開工住,但我點都會盡力做好,珍惜每個機會。」

姜濤坦言能夠奪冠有賴各方人馬幫助,會好好利用100萬獎金答謝他們。(陳順禎攝)

+2

問是否已經與ViuTV簽經理人合約,姜濤指仍未確實,始終《全民造星》剛剛先完結,但自己不是會忘本的人。記者笑指他現時已經「威威豬」,夠晒本錢追那些年暗戀過的女孩,他笑說:「搞好依家啲事先,暫時唔諗感情嘢住,因為好唔容易有咁多人支持我!」記者再笑指她們可能倒追他時,他即暗爽偷笑一下:「唔知喎!男仔一定鍾意多異性追求嘅,但專心依家嘅事先啦!(媽咪想你讀埋書先定發展事業?)佢嘅性格不嬲係唔會阻止又唔會支持,只會想我做我最想做嘅嘢,不過我拎到獎佢都好開心,相信我揀咩會理解我、支持我。」

記者笑指那些年被姜濤暗戀的女孩會倒追他時,他即暗爽偷笑。(陳順禎攝)

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。