【全民造星】肥仔大熱倒灶三甲不入：好開心大家戥我唔抵！

ViuTV選秀真人騷《全民造星》昨晚（14日）在九龍灣展貿中心舉行總決賽，熱門之一的肥仔雖然事前獲網友睇好，臨場時亦表現不俗，邊跳拉丁舞邊唱歌的表演更獲全場歡呼，但最後卻三甲不入。他接受《香港01》訪問時直認落敗是意料之中：「其實大家戥我輸咗唔抵我仲開心！（預自己拎第幾？）有人同我講我有機會三甲，可惜事實唔係咁，當然贏到呢個比賽係好，但最重要係贏埋後面嘅路。」

雖然未能在《全民造星》中獲勝，但肥仔好希望可以繼續在演藝圈發展：「之前盧凱彤好鼓勵我繼續，我希望做到佢同我講嘅嘢，對佢同我嚟講先無憾。」至於會否與經理人公司簽約，他便指稍後至能透露：「希望大家之後都見到我！」提到女友，肥仔坦言知道她喊晒口：「佢係我女友，梗係想我贏，梗係覺得我輸咗唔抵啦！最重要係我做完呢個表演已經無悔，因為當呢個係一個演唱會，我人生有幾可能夠做到呢個騷。」他又笑言不會屈姜濤分獎金，但會叫對方請他去旅行。