【台慶亮燈】楊明捱足20年終上一線：終於可以試下企第一排
撰文：吳子生
出版：更新：
楊明今年企在第一排，同女友莊思明亦好，當然值得開心。
TVB今日舉行51週年亮燈儀式，亮燈最重要就是看小生花旦排位，越接近第一行，代表仕途進入上昇軌跡，有台慶劇出街的男女主角當然有份，當中在《兄弟》當第二男主角的楊明，首度進佔第一排，企在力捧之列，楊明亦百般滋味在心頭，表示好不容易才站到這個位置。他說：「我今年收到信，叫我攞20年金牌，封信邀請我食一餐晚飯，呢個金牌我等咗好耐，呢幾年好多謝公司俾機會我，我好開心可以逐步進步，希望嚟緊10年或者20年可以更加叻啲啦，今日我覺得好鼓勵，自己紅褲仔出身，訓練班出嚟，由獎品先生做起，由企位最高嗰層，逐層降落，而家終於可以試下企第一排，希望下年以再企前少少，做埋亮燈就好喇，哈哈。」