【開心速遞‧專訪】焦浩軒指四子排戲free style:畀導演叫停我哋

撰文:
最後更新日期:

焦浩軒喺《開心速遞》入面飾演阿壯,同劇中的朱凌凌、傻強同埋金城安成日一齊。

講起焦浩軒呢個名字,大家可能會覺得比較陌生,不過如果話係無綫處境劇《愛‧回家之開心速遞》入面的阿壯,有睇呢套劇的觀眾同網民就一定會知道喇。焦浩軒於2013年加入第27期無綫電視藝員訓練班,畢業後正式入行,並於2016年播映的劇集《鐵馬戰車》中飾演黃德斌仔仔杜啟聰一角而令人留下印象,但論入屋程度,都不及阿壯呢個角色。除了拍劇,浩軒亦有主持不少綜藝節目,以演員和主持的身份雙線發展,最近就拍了新劇《解決師》。

佢喺劇中同傻強係好朋友。(林迅景攝)

原來浩軒從小已經想做綜藝節目的主持,入行後更以獎門人曾志偉為目標:「我好鍾意搞氣氛,好enjoy做host嘅感覺,能夠令人開心我會好有滿足感。有監製問我想做主持定係做演員,其實我兩樣都想做,兩方面都好有興趣,作為一個新人可以有愈多嘗試係好事嚟。」至於拍劇方面,有份參演《開心速遞》的他形容拍攝過程是好舒服且自由度好大,全個劇組都合作得好開心。他與同劇的周嘉洛、吳偉豪以及馮奕森最多對手戲:「我哋排戲好free style,發晒癲咁,有時會畀導演叫我哋『好喇,夠喇!』好好玩,畀我哋好大自由度去發揮。」

佢嘅目標係成為獎門人曾志偉咁成功嘅綜藝節目主持。

入行5年的他自覺一路以來都好幸運,工作機會不斷,前年還演出了舞台劇。問到他可會想有日可以當上主角,他說:「咁如果有機會做主角當然想啦,不過都明白到呢行好講運氣際遇,要靠好多嘢配合,我仲係新人,唔介意等,亦唔會因爲自己個角色得一句白又或者無對白而唔開心,最緊要係自己嘅演技有進步,要增值自己。」

佢話自己仲係新人,唔介意等。(林迅景攝)

他在演藝路上除了主力幕前的演出,其實對幕後的工作都一樣有興趣同研究,還會主動去搵監製:「一年前我同朋友仔開咗間production house,至今拍咗十幾個廣告,我有拎啲作品去搵監製畀佢哋睇,等佢哋可以見到我嘅進步。例如我每年都會搵一次家豪哥,有主動去爭取有無咩工作機會,TVB太多後生仔喇,競爭好大,自己一定要積極啲先得,肯努力係最基本嘅。」

浩軒同朋友開咗間Production house做幕後製作。(林迅景攝)

佢早前拍咗新劇《解決師》。

一齊睇下浩軒喺《開心速遞》入面嘅花絮同埋其他靚相啦。

+17
+16
+15


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。