鄺潔楹伍樂怡未打算結婚 Judy:沉迷拍拖就唔應該繼續做呢行

撰文:
最後更新日期:

《3日2夜》間接捧紅不少TVB花旦,其中鄺潔盈(Judy)、伍樂怡(Kelly Ng)主持的集數收視肯定是頭幾位,不少網友應該是一邊睇一邊幻想自己與她們一起旅行。昨晚2位女神出席陳展鵬與單文柔的新婚派對,除了Kelly之外,有不少出席的花旦也是香港小姐競選出身,馮盈盈、麥明詩、蘇韻芝、黃心穎均有到場祝賀陳展鵬與單文柔一對新人。

好似香港小姐party咁,好多港姐都有去。(林迅景攝)

鄺潔盈(Judy)與伍樂怡(Kelly Ng)接受《香港01》訪問時被問到帶了甚麼賀禮。Kelly故作神秘的説:「我哋夾份喺Think Big嗰度買咗一份禮物,講唔講好呢?(咩類型?)好有用嘅,家居用品。」Judy說笑:「有冇多啲吖?好行吖。」伍樂怡:「可以清潔嘅,畀到一個窩心的家佢哋。」相信答案已經呼之欲出,吸塵機。這時候Judy和Kelly笑而不語。

一估就估到Kelly同Judy買吸塵機,Judy仲話Kelly結婚嗰時都會買返部畀佢。(林迅景攝)

說到結婚話題,Kelly說:「我又唔係好急住結婚。」Judy即時取笑Kelly:「佢冷血㗎,哈哈。」Kelly就解釋說:「因為要遇到一個真命天子吖嘛。」Judy續說:「其實我哋諗嘢都幾相似,因為知道事業都啱啱起步。(好老土⋯)好老土但係真嘅,咁唔通答你『宜家我非常之沉迷拍拖咩』。我覺得沉迷拍拖,就唔應該繼續做呢行囉。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。