奇妙電視開台年半易名　創作總監王喜網上透露玄機

香港依家有3間免費電視台，屹立多年嘅TVB，最近憑《全民造星》氣勢如虹嘅ViuTV，仲有去年5月拎到牌照後一路無咩聲氣嘅奇妙電視。10月16號傍晚舉行77台易名開幕會，到底係咪早前傳出嘅「香港開電視Open TV」？奇妙電視高層王喜就喺Facebook俾咗啲貼士大家。

王喜之前入主入主奇妙電視擔任創作總監，以友情牌邀請唔少藝員朋友好似葛民輝、蘇絲黃、陳志雲得主持節目。連日來佢都喺Facebook落力宣傳，提醒大家16號下晝奇妙電視大型活動，有張相仲似乎係明示奇妙電視新台名添。見到王喜面上戴上「門」字面罩，留言話：「實不雙門，門天過海，你係咪有嘢門我？」hashtag 「#77係乜、#10月27日」77正是奇妙電視粵語頻道台號，而10月27就應該係正式易名日子。

睇返奇妙電視記者會，以「香港人‧香港地　見證免費電視新一頁」作主題，於薩凡納藝術設計大學舉行開幕酒會，出席藝人包括陳志雲、葛民輝、項明生、蔡瀚億（Babyjohn）、雷深如（J.Arie）、劉朝健、黃芳雯、鄺芷凡、盧頌恩、李尚正及李麗珊。而各藝員連日來都有上載採排照片，相信油會上亦有唔少表現環節。