【全民造星】Anson Lo連接兩劇　向姜B取經：佢話眼神好緊要

由ViuTV打造的選秀真人騷《全民造星》於日前（14/10）舉行了決賽，冠軍由大熱姜濤奪得，並穩袋100萬港幣。其實早前ViuTV舉行《2019年節目發佈會》時，已經宣布當時還未奪冠的姜濤會參與拍攝兩部電視劇《退休女皇》及《信任的遊戲》，不過能夠參與這兩部劇集的不只姜濤一人，還有在第38集中被淘汰的大熱，Anson Lo。

在決賽當日，Anson Lo亦有擔任表演嘉賓，當他上到台即惹來粉絲瘋狂尖叫。接受後台訪問時，Anson表示《退休女皇》已經開始拍攝，雖然擔任舞蹈員對鏡頭不陌生，但都有向《全民造星》的參賽者進修：「無論係套戲同唱歌都有，因為我做戲嗰方面冇乜經驗，所以《退休女皇》就係畀我去學習同嘗試，為《信任的遊戲》打好個底。」

至於問到在劇內，可會跟前輩景黛音有對手戲，Anson坦言因為沒有拍戲經驗，所以基本上跟任何演員做對手戲都會感到緊張：「每一場都學習緊對方嘅眼神，就算係一舉一動都係一個學習機會。」他又笑言有次在拍攝期間，不小心望到鏡頭，解釋道：「拍戲嘅時候其實都唔會望個鏡頭，係望住對方，就發現同平時表演唔同，因為表演係望觀眾，望吓camera，呢個就係我好唔適應嘅嘢。」另外，跟姜濤份屬好友，Anson指私底下兩人都會討論演戲的時候應該要怎麼做，而姜濤亦有教導自己眼神對演戲很緊要。