開拍《飛虎2之四大名捕》? 吳卓羲叫林峯客串做掃街茂

撰文:
最後更新日期:

吳卓羲(Ron)出席美容品牌活動,早前與馬國明、林峯及陳鍵鋒的「少年四大名捕」事隔10年的合照成為全城焦點,有網民說他們與以前的樣子相比變了很多,Ron自己覺不覺得?「我覺得個個都差唔多樣,因為我哋成日都見到面,有變化可能係唔係成日見到我哋嘅人會發覺到。起碼我係認到佢係陳鍵鋒先吖!唔會話『咦?你係唔係馬國明?』唔會係咁嘅!」

吳卓羲表示有小小的遺憾就是當天未能與同期藝員如黃宗澤、葉璇及胡定欣等合體。(陳順禎攝)

網民都踴躍表示很想見到他們能再合作,Ron就表示有「計仔」,可以與導演商量安排他們在他和馬國明主演的「飛虎2」中客串一下:「鍵鋒客串吓啲過路人啊、林峯做吓啲掃街茂啊。差佢哋兩個囉!如果鍵鋒同林峯有時間,睇佢哋得唔得閒囉,客串吓酒樓嘅伙記啊、便利店嘅收銀員啊,我覺得都幾好!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。