【苟芸慧結婚】苟姑娘望同老公齊遊法國 計畫2至3年後完成造人
撰文：朱奕錦
出版：更新：
35歲的苟芸慧（Christine）同45歲的陸漢洋（William）今日（19日）在上水雙魚河鄉村會所舉行盛大婚宴，一眾親朋好友前來道賀。香港呢兩日連續落雨，William說自己特別擔心會影響場地佈置同設計，幸好今日天氣放晴，不冷不熱，所以他也特別感恩。
好多新人在行禮時都會講一番「愛的宣言」，搞到雙方眼濕濕，不過苟姑娘就話今日William沒有講太多sweet的說話：「我諗佢日日都講，所以今日就唔特別講喇，但係都有感動嘅位，因為佢屋企人喺度啦，佢有小小淚水喺眼度嘅，咁都令到我好感動。」其實William私底下同苟姑娘講過不少感人的言語，他坦言：「好多嘢講完要行動嘅，去表示你講嘅嘢係真實嘅，真係愛呢個人。」
William坦言行動比說話更加實際，所以甜言蜜語無須講太多，最重要以行動證明自己對苟姑娘的愛。（陳順禎攝）
現在苟姑娘升呢作「陸太」，她直言要開始習慣這個稱呼：「今日有人咁叫我嘅時候我有反應，咁我自己嗰下都surprise我會應人哋叫我『陸太』呢樣嘢。」
苟姑娘同William先後去到法國、加拿大同韓國拍婚紗照，兩人還抽空遊山玩水，「預支」蜜月旅行，William說如果之後有空，在出trip之後會偷一兩日時間出來旅行，而剛剛在法國工作完的苟姑娘就表示想去多次：「喺嗰邊拍廣告，拍出嚟啲嘢都好靚，嗰一刻我就諗『如果老公都喺度就好啦』。」
苟姑娘稱要開始習慣被人叫「陸太」，想再同老公去巴黎旅行。（陳順禎攝）
除了honey moon，相信大家最關心的一定少不了他們的「造人大計」，不過William表示需要一些時間：「大家都有共識，即係要時間去陪小朋友，暫時大家工作都好忙，都希望再做出啲成績，未完成嘅心願希望再努力去更上一層樓，我諗生B希望在兩、三年度完成，咁真係就係時候要再將個家庭更完整。」
兩人決定兩至三年之後完成造人，現在將重心放在事業上。（陳順禎攝）
+7