【理想國】愛女卓林短訊「You look well」 吳綺莉:多謝佢讚我

撰文:
最後更新日期:

吳綺莉今日(20/10)出席ViuTV劇集《理想國》開鏡拜神儀式。劇中故事講述吳綺莉(Elaine)、林祖輝兩人是夫妻關係,家中9歲大小朋友自殺身亡。Elaine表示:「今次同林祖輝首次合作拍劇,成套劇有13集,每一個故仔都好貼地,好似反映而家社會嘅現狀,我在劇中戲份都好重。」

吳綺莉表示與女兒卓林現在關係好像朋友一樣。(黃國立攝)

吳綺莉愛女吳卓林早前與網紅女友Andi離家出走遠赴加拿大,吳綺莉雖表現堅強,但內心承受巨大壓力和傷痛,面對今次角色難免勾起負面情緒。「當我接到呢個劇本時,我真係有擔心過呢個角色會唔會令我抽離唔到負面嘅情緒,所以我會正面咁去諗,話畀自己知拍呢套戲好有意義,我明白自己個人有啲衝動,所以我學會了做之前冷靜落嚟,例如我會問吓身邊嘅貓,有時隻貓會冇反應,但等得佢有反應嘅時候,嗰個問題我又會沉澱咗,件事又會變得淡然。」

問最近有否聯絡卓林?吳綺莉說:「佢有傳一個短訊畀我,佢話『you look well』,讚我廣告啲相好靚,我好多謝佢咁讚我。(有傳卓林喺加拿大經濟上好似出現問題?其實有咩問題都好,隨時要返屋企咪返屋企囉,其實我而家同佢好似朋友關係,朋友係要互相尊重,如果佢想講就講,如果佢唔想講就唔好問,所以我而家會代入佢哋嘅角度去諗,我有朋友提一提我,愛呢嘢樣真係好難講點解嘅,當你去愛一個人嘅時候真係解釋唔到。」

吳綺莉表示有壓力時,會找家中貓咪傾訴心事。(黃國立攝)

點擊下圖觀看卓林最近的相片:

+10
+9
+8


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。