【是咁的，法官閣下】做律師好風光？　麥明詩：隨時要貼錢開工

律師是精英職業，小時候老師、家長都會鼓勵學生修讀醫科或法律，覺得這樣才算有出路，這樣才能做個有用的人。更覺得畢業後一定能當上大狀，維護法紀、為民請命。以往一想到律師，大家都會認為必定高薪厚職，人工十幾萬一個月，出入中上環地區，但這個又是否現今社會的真實狀況？

無綫於星期一晚（29/10）播出《是咁的，法官閣下》，早前在YouTube上載了一段名為「是咁的，律師未必好風光」的宣傳短片。片段中，飾演新牌律師的王梓軒、黎振燁、林秀怡、林景程及麥明詩在茶餐廳用餐。期間，各人都大呻工作的苦況，例如通頂三日、接一個case只得五千蚊、一碟飯兩份分，更要住劏房。

畢業於英國劍橋大學法律系的麥明詩，接受《香港01》訪問時透露，律師主要分兩種，就是大狀及事務律師。不過萬事起頭難，尤其是做大狀，麥明詩直言：「因為冇人工，跟師傅頭一年都已經冇人工。之後要租辦公室，如果要方便客人，都會選擇喺金鐘同中環，或者較近法院嘅位置。」由於租金昂貴的問題，加上工作剛剛才起步，可人未必會相信新牌大狀的能力，不容易接到Job，頭幾年都未必會賺到錢，更有機會蝕錢。

麥明詩指事務律師就有人工逗，但現時都僧多粥少，因近年都有很多擁有法律學位的畢業生：「以前可能只有香港大學，但依家有中文大學、城大，仲有海外畢業生，搵工爭崩頭。」而且本港的法律制度有所改變，原因是官司本身各方面都需要很多資金，所以法庭盡量都會鼓勵和解及仲裁（Arbitration），這樣就會少了訴訟，導致律師少了工作。

另外，雖然事務律師人工較穩定，大概有幾萬元一個月，但處理上市、合拼的企業公司（Corporate Firm），全港只有幾間，而每間公司每年可能只會聘請10個畢業生，麥明詩謂：「就算成功入到去工作都好辛苦，因為做上市有關嘅工作，每日工作14、15小時係好正常，連星期六、日都要工作。」她續指在Local Firm工作的事務律師，人工方面會比在Corporate Firm工作的人工低很多，由萬幾蚊到三萬幾蚊不等，笑言：「其實律師未必好高人工，我以前都只係喺律師樓做實習，所以好多事都唔記得，最好就問返律師。」