2016 年香港小姐亞軍劉穎鏇 (Tiffany) 唔止樣靚身材正，自小於美國洛杉磯生活的她，仲講得一口流利的英語，她於日前播出的無綫綜藝節目《3日2夜》入面，就因為講英文講得好聽而被網民大讚。Tiffany 在 2015 年升讀加州大學河濱分校工商管理系，不過她於 2016 年因為回港參加香港小姐競選而停學。然而加入了 TVB 做藝人的她並沒有放棄學業，在網上繼續完成加州大學與亞利桑那州立大學學士課程。近日她又於 IG 宣布會重返大學，將會繼續修讀學士學位課程。年紀輕輕，現年只有21歲的 Tiffany 可以算係 TVB 最有潛力卻被低估嘅女新人嚟。佢早前仲正式開始拍劇，演出今年的台慶劇《兄弟》，實行主持同拍劇雙線發展，以佢嘅條件，好有機會成為第二個朱千雪。
Tiffany係參選2016年香港小姐入行，當年佢只得19歲。(ig圖片) Tiffany同馮盈盈係同一屆港姐，佢係亞軍而馮盈盈就係冠軍，季軍係陳雅思。(資料圖片) Tiffany贏得「亞軍」、「最上鏡小姐」及「現場最受歡迎佳麗獎」共三個獎項。(資料圖片) 佢當年都係大熱門之一，同屆嘅蘇韻姿（中），馮盈盈（右二）以及單文柔（右一）亦都加入咗TVB，Tiffany同單文柔仲因為參選而成為咗好朋友。(資料圖片) Tiffany 樣靚身材正，仲夠晒高，身形比例健碩嘅佢讀書時仲係籃球校隊隊員。(資料圖片) 喺外國長大嘅Tiffany講廣東話都好流利，就算參選時面對農夫同鄭裕玲三位司儀，都可以對答得到。(電視截圖) Tiffany加入TVB後主力擔任節目主持嘅工作，演出嘅節目包括《安樂蝸》同《學是學非》，最近佢就同江嘉敏演出《3日2夜》。(電視截圖) Tiffany性感得嚟，形象都好健康。(電視截圖) Tiffany主持嘅《3日2夜》好受歡迎。(IG圖片) Tiffany本身好鍾意去旅行，不時於IG post靚相，騷下佢對無敵長腿。(ig圖片) 佢仲有主持《學是學非》，扮學生look零違和感。(ig圖片) 佢素顏都好靚，仲好pure好true呀。(ig圖片) 只有21歲嘅Tiffany當然有童真嘅一面啦。(ig圖片) 係咪好想俾Tiffany瘋狂餵食雪糕呢？(ig圖片) Tiffany個晚裝look好高貴呀。(ig圖片) 佢除咗客串過《溏心風暴3》出現咗一個鏡頭外，早前仲參與演出台慶劇《兄弟》，可以算係佢第一次正式拍劇。唔知嚟緊會唔會拍多啲劇呢？以佢嘅條件，分分鐘有可能成為第二個朱千雪。(ig圖片)