鍾嘉欣2015年下嫁脊醫Jeremy後，翌年誕下愛女梁愛晨，上月又誕下細仔Jared。鍾嘉欣今日於facebook上載仔仔Jared的照片，見佢頭髮相當濃密，面圓圓又帶點天然呆，十分可愛，唔少網民都認為Jared同爸爸非常似樣。

三年抱兩的鍾嘉欣以英文留言表示：「Jared：你未出世之前，我擔心如何在對囡囡Kelly的愛中再加入你。但你出世後，我知道我有好多空間去愛你，你帶領我到了更高層次的愛。謝謝。我會好好珍惜、愛護你。」如同情書一樣，真係sweet到暈。