林伊麗懷孕體重反而下跌 家中狗仔最先發現孕味

撰文:
最後更新日期:

無綫娛樂新聞台女主播林伊麗(Michelle),去年三月與金融才俊Henry Chow 拉埋天窗,日前在社交網公布喜訊宣布有喜,恭喜晒!Michelle 目前懷有三個多月身孕,但她日前在IG 上載張運動相,身型依然非常纖幼,腹部平坦,不說真的不知她有孕在身,Michelle 更指自己的體重跌出新低!

TVB 娛樂新聞主播林伊麗日前宣布懷孕。(IG圖片)

腹中BB 已經3個月大喇!(IG圖片)

Michelle 日前在IG上載一張運動相,懷孕三個月的她完全看不出孕味。(IG圖片)

Michelle 接受《香港01》訪問,指自己懷孕之後,孕吐得太厲害,體重一度下跌:「試過最低去到 49 KG,印象中16歲之後就無試過咁瘦!」Michelle 身高170cm ,這個體重對做開運動的她來說,真的很瘦呢!不過醫生指她體重下跌的情況屬正常,雖然媽媽瘦咗,幸好 BB 很健康,更比預期中大得快。一向熱愛運動的Michelle ,因為懷孕而停止運動,不過一過了穩定期,她馬上就往健身室跑,「依家都係去做孕婦瑜珈,健身都係做返大肚婆可以做嘅動作。」

熱愛運動的Michelle 一過了懷孕前3個月,就去做Gym。

Michelle 分享發現懷孕的經過,她說是因為家中的狗仔Toffee 對自己反應異常,「大概有咗個幾月嗰時,我自己都未知,Toffee 成日聞我個肚,又會瞓落我個肚度,佢平時唔會咁做。」Michelle 之後才到醫院檢查,證實懷孕,動物真係好有靈性!

家中的小狗 Toffee 最先聞到 Michelle 的「孕味」。(IG截圖)

+2

最搞笑的是老公Henry 的反應,Michelle 指當他知道自己快要做爸爸時,竟然整個人呆掉,「係日頭知道有咗,佢呆咗成日,一路都無反應,到凌晨兩三點鐘,我已經瞓著咗,佢突然抱住我大笑,佢話初頭Load 唔到發生咩事,成晚都瞓唔到,到凌晨終於消化到,佢話佢好開心,所以要整醒我。」想像到當時的畫面,一對夫婦因為新生命來臨的狂喜而擁抱,真係好Sweet。

恭喜Michelle 同 Henry!(IG圖片)

+12
+11
+10


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。