【跳躍生命線.專訪】張曦雯搵男友拒香港製造:我講笑話佢哋唔明

撰文:陳栢宇
出版:更新:

雖然無綫台慶劇《跳躍生命線》是專講救護員的故事,但竟然有一個主要角色完全同救人扯不上關係,她便是張曦雯(Kelly)飾演的車房技工兼芭蕾舞導師「阿Man」文暉,而最有趣的是一路以來報章雜誌都指這個「唔關事」的角色,是劇集的第一女主角。張曦雯接受《香港01》訪問時便說:「其實我冇特別去睇呀,最慶幸嘅係好多戲可以同男主角馬神馬德鐘一齊做,諗返起開始拍劇都係兩三年前嘅事,好多時都係靠前輩同我傾、同我分析個劇本,所以都好多謝馬神咁花時間幫我,我都學到好多嘢,咦,佢好唔鍾意人哋話佢教人,哈哈!」

講到張曦雯生得高、足有175cm,很難在TVB找到男對手襯她,她笑說:「其實我都唔係好高啫,可能係我個頭大,先覺得我特別高!」(梁碧玲攝)

本身擔任主持居多的張曦雯,到近兩三年才開始拍劇,由之前的《律政強人》(2016)、《降魔的番外篇 – 首部曲》(2018)到今年的《跳躍生命線》,以及尚待播出的《金宵大廈》、《白色強人》和拍攝中的《解決師》,絕對可說是比不少藝人多機會,她坦言自己想繼續在演戲方面發展,因為主持工作雖然開心但較演戲工作拘謹,而自己都好想搣甩「高貴大方」的《港生活.港享受》華姐形象:「當然《3日2夜》就唔係呢類啦,我自己鍾意講咩都得,玩得開心又可以感染到人,而做戲都係可以感染到人。其實監製(方駿釗)都同我講因為睇到我直播打機同我嘅《3日2夜》,見到我真嘅一面,覺得我好隨意,所以先搵我做『阿Man』呢個角色。」

張曦雯坦言《跳躍生命線》監製方駿釗是因為看過她直播打機和主持的《3日2夜》,覺得她非常隨意,所以找她演出「阿Man」這個角色。(劇照)

沒想過入娛圈:「我都隨時都可以走!」

其實張曦雯的確好隨意、隨心,當初入行亦可算是無心插柳:「我冇諗過自己會入娛樂圈,本身做Model都係貪好玩,影下相又有錢咁。」在芝加哥長大的她參選華埠小姐亦是貪多個頭銜在身,可以較容易接到模特兒工作,但沒想過自己最後會連國際中華小姐都贏得冠軍:「贏咗之後我好掙扎,冇即刻簽TVB,都等咗成年,繼續做下Model咁,因為唔Sure自己適唔適合,我本身唔係好識講自己嘢。當時我有諗過不如返美國做嘢,覺得做Waitress都可以好開心,其實我呢一刻咁做都得,我隨時都可以走,如果我覺得自己做得唔開心嘅話。」

張曦雯坦言起初沒有想過入娛樂圈做藝人。(梁碧玲攝)

辛苦搵錢供車:俾人講我係收人車係有少少唔Gur

說真的,入娛樂圈做藝人比起許多工作更具挑戰性,付出的時間、金錢不是行外人能夠完全理解得到,所面對的流言蜚語也比平常人多,以張曦雯為例,正式入行短短5年,便已經先後傳出多段緋聞,更有報章雜誌明言暗指她專釣金龜,所以要唔開心都確實可以好唔開心。不過,張曦雯卻覺得還好,從來未會被類似新聞影響:「我唔知係社會問題定點,好似總係對女仔有偏見咁,特別係做呢一行,覺得我哋唔係靠自己能力,其實我唔止搵咁少囉,唔需要靠人哋。」

其實張曦雯入行以來密密接Job,珠寶活動、周年晚會都經常找她擔任司儀,當每單工作只得5位數字酬勞,近5年搵到7位數字都絕對不難,就算一口氣買一架過百萬的名車亦絕對綽綽有餘,堅稱自己單身的她說:「其實我都要供嘅,如果真係有人送車畀我,咁樣畀人講真係冇所謂,最慘係我係自己辛辛苦苦搵錢買自己鍾意嘅嘢,咁樣畀人講我確實係有少少唔Gur。當然,有話題先算成功,呢一行係咁。」至於理想男友,在外國長大、文化背景相近,比起有錢吸引得多:「我都識過啲Local男仔,我講嘅笑話佢哋唔明,佢哋講周星馳我又唔係好明,個笑點都唔同,咁樣一定好冇癮。」

化妝:Leo Tam
髮型:Echo Wam @ Headquarters
服裝:L.Carene
場地:九龍貝爾特酒店

提到報章雜誌提及張曦雯時總會在她的名字前列出其上圍數字,她指自己明白傳媒工作性質,這個做法能夠引讀者注意:「但香港人從來唔會咁樣標籤男仔,外國都唔會有人咁做,我美國嘅朋友睇到啲新聞都覺得好出奇。」(資料圖片)
你可能感興趣