【後生仔傾吓偈】肥人持久啲 ? 何遠東舌戰馮盈盈：特別耐咪好囉
撰文：鄺鈺瑩
出版：更新：
何遠東一出場就已經被問及持久力，6號雖然幫手解圍，指係開廠的持久力，但馮盈盈同麥明詩好快就將呢個話題轉到床上。
今集《後生仔傾吓偈》以「肥仔」為主題，為咗更貼合呢個主題，於是就請咗何遠東做嘉賓。大家都知道《後生仔》係充滿學術性嘅節目，所以何遠東入場無耐，大家已直奔主題，有後生仔就提到肥嘅人床上戰鬥力強好多，之後6號就補充：「的而且確喺美國醫學協會有調查顯示，肥嘅人持久力比正常男士高，因為肥仔女性苛爾蒙較多，難以達到高潮的狀態。」一時又話持久力高，一時又話女性苛爾蒙較多，到底6號呢句係讚定彈？面對眾人「圍攻」，何遠東就好霸氣咁話：「無高潮咁做嚟仲乜呀？」高潮呢樣嘢，又真係唔係做就有。
FYY同麥明詩係咁「攻擊」何遠東。
之不過，呢個答案似乎都係滿足唔到性博士馮盈盈同埋麥明詩，麥明詩仲問「有無女性話你好勁，同前度相比」，身為男士嘅6號聽到都忍唔住問點解要比較，而何遠東就話：「特別耐咪好囉，不過我嗰啲前度又無試過喎，都係比較內斂。」麥明詩之後提到認識一位好瘦嘅男性朋友，對方專搵有肉地嘅女仔拍拖，問到何遠東情傾瘦定肥嘅女仔，何遠東就話偏向瘦小女生：「將來瞓一張床，佢又肥我又肥真係好唔得掂。」一眾後生仔之後講到肥人嘅人緣特別好，但會否因而較易出pool，何遠東就話過往追女都係偏向低難度同較為單純的。「就算做兵幫手買嘢食，我都係可愛兵、都係好開心。」
何遠東話其實唔係好介意被叫做肥仔，並認為肥人的人緣較為好。