【殺手】黎耀祥膝頭受傷繼續開工:你一日未死都要拍啦!

撰文:
最後更新日期:

黎耀祥今日(26日)出席保健食品品牌開幕禮,他表示要保持健康體魄除了吃保健食品外,最重要還是要飲食均衡和有充足睡眠。祥仔更說自己被父母訓練到很能「捱苦」:「我爸爸媽媽以前後生嘅時候間唔中會燉一啲藥材湯,我又唔會好抗拒,我都覺得幾好味㗎。」

黎耀祥今日在保健食品品牌開幕活動中擔任一日店長。(陳順禎攝)

最近正在忙於拍攝電視劇《殺手》的黎耀祥為劇在兩個月內激減15磅,更努力健身練出6舊腹肌,所以這段時間都努力控制飲食,對喜歡吃東西的祥仔來說很多食物都要戒口:「快餐店嘅炸雞翼、炸雞脾,咩龍蝦海鮮,食得落肚嘅我都鐘意食。」(等殺青可以大吃特吃?)「唔等殺青我已經食㗎啦,一拍完除衫就要食㗎啦,如果唔係會死!」
 

祥仔稱《殺手》劇組之後會飛到台灣進行三個星期的拍攝,再回香港拍四個星期外境,劇集大概在12月中殺青。(陳順禎攝)

早前拍攝時膝頭受傷要針灸,祥仔稱已經康復了很多:「都係啲韌帶扭傷發炎,唔係太大嘅傷嚟嘅。」他指拍戲受傷當然是家常便飯,身上其實還有多處瘀傷未存癒。要帶傷上陣繼續拍攝?祥仔笑稱:「當然啦,唔好話未好返啦,你一日未死都要拍啦!除非你真係送咗入去證實你拍唔到㗎啫!我哋受傷都要抬返去拍㗎,哈哈!」

日前TVB馬來西亞地區最喜愛男女主角入圍名單公開,憑《逆緣》被提名的黎耀祥表示自己對獎項沒有太大所謂,希望馬來西亞觀眾能繼續支持香港電視劇和演員,呼籲大家多多投票。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。