鄧萃雯否認曾當佘詩曼透明：「我有散光㗎，有人白眼我都唔知啦」
撰文：張嘉敏
出版：更新：
阿佘自爆喺一次頒獎禮上，被另一位花旦當她透明。
佘詩曼 (阿佘) 早前為內地節目《魯豫有約一日行》擔任嘉賓，重提昔日與無綫其他花旦被傳不和的傳聞，以及台慶頒獎禮的是非。阿佘更自爆在一次頒獎禮上，被另一位花旦當她透明的經歷。她直言兩人是競爭對手，當站在一起等待的時候，她看到一個很搞笑的東西，就眉飛色舞地跟對方說：「嘩！你看它！」誰知對方竟然無視阿佘，完全沒有理會她兼且擺出一副高傲的表情，當她透明！
雯女尋晚出席活動時否認當阿佘透明。(視覺中國)
該片段出街後，網民紛紛估當日無視阿佘的那位女藝人是誰，很多人都估是於2010年力壓她贏得視后的鄧萃雯（雯女）。雯女昨晚出席活動時，自然被問到她是否就是「當阿佘透明」事件的女主角，雯女即笑謂：「係咩？我有散光㗎喎！就算係有人白眼我，我都唔知啦，唔好話係我去白眼人，我點會白眼人。如果第時出街啲人見到我唔打招呼唔好介意。」
雯女同阿佘喺2010年頒獎禮上有傾有講。(視覺中國)
雯女仲話自己同阿佘絕無不和，她說：「我哋係學姐學妹嚟㗎，雖然我哋依家工作上冇接觸，但係我哋係協恩嘅校友，有時都會聯絡，講有關學校嘅嘢，之前佢都有問我返唔返去探老師。」
雯女話自己有散光。(視覺中國)
一齊重溫阿佘上《魯豫有約一日行》節目嘅精華片段，同埋佢同雯女喺2010年頒獎禮上面嘅互動啦。
+10