【開心速遞】萬聖節帶仔仔去玩 呂慧儀：畀佢敲門攞吓糖唔會太夜
撰文：郭芷晴
出版：更新：
面對Terry的投訴，呂慧儀十分理直氣壯，更叫Terry帶耳塞，十分搞笑。（陳順禎攝）
呂慧儀今日出席《愛．回家之開心速遞》萬聖節宣傳，在台上玩遊戲時非常投入，幾乎和湯盈盈「大打出手」，場面搞笑。她表示這是劇組演員感情好的緣故，猶如真正一家人一樣。不過呂慧儀就被「Terry」李偉健嫌棄全劇組最嘈！呂慧儀聞言則笑說「我把聲不嬲係響亮啲，所以我係咁嘈㗎啦！Terry你叫KC買個耳塞比你啦！最多我以後細聲少少。」可見演員之間果然夠老友！
呂慧儀會讓囝囝着南瓜裝應節，又說經常收到同事送給囝囝的糖。（陳順禎攝）
萬聖節向來是小朋友最期待的節日，呂慧儀也說去年有帶仔仔「蟹籽」到主題公園玩。「但今年應該會早啲返屋企休息，因為佢第二日仲要返學，最多畀佢敲下門攞下糖就算。」又說其他同事都經常派糖給蟹籽當獎勵。有些藝人會趁萬聖節扮鬼扮馬，但呂慧儀就表示不會和囝囝化萬聖節妝，「最簡單快捷嘅辦法就係着南瓜裝，夠方便又應節，連妝都唔洗落。」咁多位媽咪可以參考下啦。
+1