【開心速遞】與潮偉修成正果？滕麗名：大家最期待嘅嘢應該會出現
撰文：郭芷晴
出版：更新：
滕麗名（阿滕）今日（27日）出席《愛．回家之開心速遞》萬聖節活動，一眾演員上台玩遊戲時場面混亂，阿滕和湯盈盈更是互相「攻擊」對方，連阿滕都忍不住吐嘈：「佢一向都好憎我㗎啦！不過講真，盈盈係我識咗最耐嘅朋友，因為我地一齊讀藝訓班，所以我哋台上有幾咁玩得，就反映我哋台下有幾Close，因為知道大家底線。」
滕麗名與湯盈盈交情深，所以上台玩遊戲都特別搏盡。(陳順禎攝)
提到萬聖節臨近，阿滕有否和老公慶祝的計劃？「以前細個就鍾意去攞糖，但依家已經唔係細，大人個啲落bar飲酒又唔係幾啱我，所以都唔會點慶祝。」
滕麗名和袁文傑組成的「熊潮」cp下星期會有新進展。 (陳順禎攝)
另外有追看《 愛．回家之開心速遞》的讀者應該知，「潮偉」袁文傑同阿滕飾演的熊尚善組成「熊潮」CP最近強勢回歸。阿滕又覺得這條感情線如何呢？「我自己覺得呢條Line好浪漫，始終冇經歷過傻強，都唔知道潮偉嘅好，人係要失去先識珍惜。原來有好多人都咁渴望我地個角色係埋一齊。袁文傑除咗呢套其實仲有其他戲要拍，但今次我Feel到我哋默契明顯好咗，下星期慢慢會『埋線』，大家最期待嘅野應該都會出現。」講到那麼神秘，究竟阿滕口中的驚喜會是甚麼？支持「熊潮」CP的朋友要留意啦。
【開心速遞】尚善接受傻強發展母子戀 幾日後即慘遭狠撇【開心速遞】許家傑當年唔夠大隻 全靠一招令佢個半月變肌肉男【開心速遞】大小姐竟然被「燉冬菇」 改革Cafe嚇窒同事【開心速遞】Terry為結婚好慳家：只買生活必需品，3餐$100內搞掂
潮偉（袁文傑飾）強勢回歸《開心速遞》，到底他與熊尚善（滕麗名）會否有情人終成眷屬呢？