【是咁的，法官閣下】拍片回應網民質疑 黃智賢：宣傳部要拍
撰文：賴家杰
出版：更新：
黃智賢（Ben）今天（28日）穿著劇中的律師袍出席《是咁的，法官閣下》宣傳活動，Ben感性地說：「好耐冇著，好掛住呢件袍，尤其係個假髮，唔知會唔會再有機會演律師，依家好有使命感，回憶都返哂嚟，好期待聽晚播出。」
黃智賢（Ben）今天（28日）穿著劇中的律師袍出席《是咁的，法官閣下》的宣傳活動。（梁碧玲攝）
活動開場時候播放了一段五分鐘影片，影片是一眾《是咁的，法官閣下》的演員做主角，內容概要是在法庭中回應為什麼這套戲沒有大場面沒有「大卡士」也能成為台慶劇。「呢條片係宣傳部要拍，當初《是咁的，法官閣下》做台慶劇時候大家都議論紛紛，點解會揀呢套劇呀，好似要場面無場面，要卡士又唔夠人哋大卡士。網上有好多說話，我覺得係一個回應，當自嘲又好實情又好，唔等於無大場面無大卡士就唔可以做台慶劇，觀眾會睇到，高層亦會睇到，點解會揀呢套劇做台慶劇係有佢嘅原因。」
羅天宇劇中飾演Ben的年青版，Ben在活動現場大讚羅天宇比佢靚仔得多。（梁碧玲攝）
不少演員也未必能夠做到好像這班演員放下身段自嘲不是「大卡士」，Ben笑言：「其實我係一個演員，唔需要大家畀一個光環我，過往至今都係。我都做咗咁多年演員，我都唔需要大家講乜，我做好自己工作，呢套劇我拍得好滿足，好開心，其實亦出現過大卡士唔一定收得，呢個年代唔單睇呢樣，更重要著重劇情。」
一眾演員拍片解釋為何《是咁的，法官閣下》沒有「大卡士」及大場面也能成為台慶劇。（梁碧玲攝）