Aka @ Super Girls孖廣告男神澳門跑樓梯:大髀好酸軟!

撰文:
最後更新日期:

組合Super Girls隊長趙慧珊(Aka)跟廣告男神黎學勤昨日(29日)一起到澳門參加慈善跑樓梯,為樂施會籌款,雖然二人代表不同隊伍出賽,但同樣跑最後一棒,Aka笑言︰「我係澳門人所以嚟支持呢個年度盛事,我哋比較輕鬆,等第三棒時,我哋仲不停拎手機自拍。」跑開步的Aka更謂首次跑樓梯︰「之前有嚟過澳門旅遊塔,不過都是搭電梯上去,今次好特別,雖然自己平時都會去跑步,不過跑樓梯就係第一次。」

Aka坦言跑樓梯上澳門旅遊塔感覺特別。

提到這次跑樓梯經歷,Aka表示:「之前係好緊張,做咗好多拉筋,平時我有練開跑,但跑樓梯用大髀力比較多,所以開頭跑得好快,仲要兩級兩級咁跑,但跑到最後一層大髀好酸軟冇力,加上樓梯斜度好深,最後要拉住扶手跑。」Aka笑言幸自己隊友如RunnerBand成員6號(繆浩昌)實力好勁,自己才不會包尾才完成賽事,她說:「初頭我好驚累大家,所以好拼命咁跑,依家大髀好酸軟。而下個月我仲有個10K賽事,所以每晚會Keep住練習,希望都能順利完成攞到好成績。」

Aka指之後都有一個10K長期賽事,所以會每晚繼續練習。

至於黎學勤今次代表演澳門演藝人協會跑,並贏勝出賽事,他說:「跑樓梯時仲可以欣賞風景,好享受過程,我跑最後一棒一定有少少壓力,當聽到好多人喺度不停幫我哋打氣,唔止好興奮仲會跑快咗。」他又謂賽前有去特訓:「我有練跑樓梯,我住10樓,之前成日跑返屋企。」

勝出比賽的黎學勤笑言家住10樓所以經常練跑樓梯。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。