【機場特警】張振朗排骨仔變爆肌男:每日200下掌上壓係基本

撰文:
最後更新日期:

張振朗過去一直給人「排骨仔」形象,平日瘦底的他突然唔聲唔聲嚇你一驚,上月在社交網站上公開一張半裸照露出六舊腹肌,成功搖身一變躋身大隻型男行列,令不少網民大呼:唔認得!

張振朗透露自己在《機場特警》中有需要「除衫」的場面,令他有更大的健身動力!(資料圖片)

張振朗透露自己連續花了兩個月時間,每天歇斯底里地健身,原來是為了在投入拍攝TVB新劇《機場特警》前作準備而鍛鍊:「因為接咗角色,希望可以同呢個職業嘅體格接近一啲。本身做機場特警係比較fit嘅,我無理由咁瘦嘅!雖然都仲爭一段距離,但係都已經盡咗我嘅能力啦。」

只用了短短兩個月健身就有如此好的成果,繼續做就不得了!(資料圖片)

張振朗說最辛苦的並不是鍛煉的過程,是要每天工作過後,等到凌晨兩三點時拖著疲累的身軀做gym,更加試過險些暈倒:「因為嗰時我拍緊另一套劇,所以只好收工時間先去做到,所以通常都係喺唔夠瞓嘅情況下做,好挑戰到人體嘅韌性!」他指現在在拍攝《機場特警》時的體力勞動已經很大,所以不再需要額外做gym了:「200下掌上壓已經係機場特警嘅基本需要嚟啦,要兩個鐘頭不斷舉啞鈴,我哋仲要上山下海,又要抬木杉搬車呔,有好多形形式式嘅嘢畀我哋去訓練。」他說雖然過程辛苦,但覺得一切都是值得的。

張振朗從去年開始已經在社交網站上跟大家分享健身成果。(張振朗IG)

相信十個有十個健身的人都會吃烚雞胸肉、烚雞蛋等這類高蛋白質的典型「操肌食物」,張振朗當然也不是例外,但在面對美食引誘時,又該如何招架?「開工時夜晚公司都會有啲滷水雞髀,我成日都會要求『宵夜留定兩隻畀我唔該!』我自己再搣晒啲雞皮,攞啲水沖到乾乾淨淨先至食!」他說自己都算有定力依足健身餐單進食,但一星期都會有一餐稍為放鬆一下獎勵自己。

他笑說《美女廚房》的食物可以清腸胃,幫手去到廁所!(葉志明攝)

經常拍攝《美女廚房》,豈不是會破壞了需要嚴格遵守的飲食餐單?張振朗反而覺得有「幫助」:「我通常食完《美女廚房》嘅嘢我係會嘔返出嚟,因為難食到嘔啊!不過又可以幫手去到廁所,反而係好咗嘅,哈哈!」

啲嘢難食到咁,唔怕影響自己嘅健身努力成果啦!(張振朗IG)

點擊下圖觀看張振朗的爆肌男之路:

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。