【是咁的,法官閣下】英文肥佬讀法律? 資深大律師:唔好點讀呀

撰文:黃欣華
出版:更新:

TVB新劇《是咁的,法官閣下》周一晚(29/10)首播,劇集毫無懸念以「是咁的」這句潮語作為開場白與劇名呼應。首集劇情講述香港70年代,首間開辦法律系大學的面試情況,一改大家對「法律系難入」的刻板印象,當中的湯軍瑤大律師(周嘉洛飾)的角色,更引起網民熱烈討論。

劇情指,香港一家大學當初開辦法律系時,由於沒有太多學生報讀法律系,令成績一般的湯軍瑤膽粗粗去面試,選擇博一鋪。但搞笑的是,他竟然拿結他去見考官,更想即場演奏一曲,當他被問到:「哪一位結他手是你特別欣賞的?」他隨即回答是國際級爵士樂手Wes Montgomery,但由於英文科不合格,而無法讀出這個名字的發音,只唸到「Wes」一字,而講不出Montgomery,雖然如此,但最後竟然順利被取錄。

但劇中法律系面試用中文進行,被不少網民質疑!(電視截圖)
因為當年畢業係做唔到律師,因為冇牌就冇執業資格,所以當年全個系有28個位,都係得14個學生報名!
湯家驊解釋為何70年代少人報讀港大法律系

劇集甫播出不久,有網民便指湯軍瑤這位角色,與現實中的行政會議成員兼資深大律師湯家驊的背景十分相似,湯家驊接受《香港01》訪問時,笑言劇中的情節的確跟自己的經歷有點相像:「當年面試嘅時候,有同教授傾音樂係真嘅。(真係有拎住支結他去面試?)又冇咁誇張,但嗰陣有夾Band,而且我好鍾意Wes Montgomery。」咦,似乎以編審李茜為首編劇團隊,落筆寫劇本前有做足功課。

湯定驊直言情節有幾分相似!(資料圖片)

劇中面試過程逐格睇!

+33

70年代少人讀法律? 湯大狀:畢業後都冇執業資格

另一個討論焦點,就是劇中指湯軍瑤即使英文科不合格,仍順利被法律系錄取,湯家驊坦言上述劇情有誤導成分:「當年我係(香港讀)澳洲歷史唔合格,如果英文唔好,點同個考官傾計?而且法律系啲書全部都係英文,英文水平唔好點讀呀?(但當年歷史唔合格有冇影響?)梗係有,我當年都有份嘢做,諗住入唔讀大學,但嗰陣冇人報名先去試吓。其實我入到,都幾神奇。(點解法律系會冇人報名?)因為畢業係做唔到律師,因為冇牌,冇執業資格。當年有28個位,都係得14個學生報名。」

據知,湯家驊曾與譚詠麟組樂隊Galaxy,湯家驊主要擔任鍵琴手。(資料圖片)

法律系難讀? 原來唔使背書!

法律系予人印象很難讀,但湯家驊就不認同:「嗰陣我日頭讀書,夜晚就去酒吧夾Band搵錢。(唔使捱更抵夜讀書同背書咩?)唔難讀,呢科絕對唔使背書,只要明白個道理就得。」劇集還提到一班新晉律師的辛酸史,湯家驊稱律師的支出比一般的職業多,惟他承認,自己算是較幸運:「當年喺英國(牛津大學主修民事法律)考第一,好多報館報道,所以我一返香港已經有生意,但而家班後生競爭的確大好多。(自己會唔會睇呢部劇呀?)我諗冇咁嘅機會!」

湯家驊1972年以一級榮譽及全班第一名畢業於香港大學法律系,及後到英美等地深造法律,1974年取得牛津大學民事法律(榮譽)學士學位,回港後立即有客人叩門找他幫手。(資料照片)
+2