赴英國為兒子揀學校 程瑤順道睇樓恨做球星鄰居
撰文：黃欣華
出版：更新：
程瑤早前與老公朱仲賢趁兩名兒子放假，一家四口到英國旅行，順道為兩名兒子於當地尋找升學機會。愛子深切的程瑤表示︰「兩個仔都係讀國際學校，大仔今年讀緊預科，所以今次去英國玩之餘，就幫大仔揀定學校，睇吓邊間好。」
一家四口樂也融融！
原本今次英國行是為大仔揀大學，不過他們看到當地的學校後，連細仔也想提早到外國升學，程瑤表示︰「原本只係為大仔去揀學校，不過趁有時間，去睇埋其他中學，初時細仔都唔想咁早去外國讀書，驚無朋友會悶，但見到當地學校又大又靚，又多課外活動，現在同我講想下年就即刻去讀。」
程瑤曾參選1991年亞洲小姐競選。
雖然兒子已「大個仔」，不過程瑤坦言有點不習慣︰「之前一直都有計劃佢哋到外國升學，但沒想到時間過得那麼快，大仔更即將升大學，細仔仲話要早過哥哥過去，真係有點不捨得。」此外，今次程瑤與老公還抽空到全曼徹斯特最高的豪宅睇樓，直言想在當地置業，她表示︰「英國樓價冇香港咁貴，所以有時間就過去睇下，雖然未起好，不過咁高可以睇晒整個靚景，而且兩個仔到英國升學，又方便過去探佢哋，聽講仲有球星會買呢度，可以見到球星，所以心思思想於當地置業。」
程瑤與老公朱仲賢多年來一起工作，為成立近30年的公司打併。