【跳躍生命線】催淚彩蛋曝光 麥Sir:劍雄最後一刻都係救緊人

撰文:
最後更新日期:

電視播出雄姐喪禮後,就跳到傑仔拎住盒仔,話係雄仔家姐所送贈。

「雄姐」出任務時殉職,噚晚嗰集《跳躍生命線》播出「雄姐」喪禮,並交代佢每次救人之後都會放入一蚊去嘅盒仔獲高職批准,繼續放喺救護站飯堂,並由眾人繼續呢個「使命」,當時傑仔拎住個盒就話:「係由雄仔五個美貌與智慧並重嘅家姐送比我。」
 

麥Sir大讚雄姐夠細心,照顧每個人的需要。

噚晚劇劇播出後,BigBigChannel上載了於電視中未有播出嘅片段!!!兩分鐘嘅片段由「雄姐」墜樓一幕開始,之後就佢五位家姐於救護局整理佢嘅遺物時哭成淚人,麥Sir對眾人解釋「一蚊盒仔」嘅來源時,家姐一句:「阿Deee而家都無得再儲啦。」真係好傷感,而身為高級救護主任嘅王Sir轉交市民的心意卡時就話:「雄姐救過嘅人又點止呢個份量。」而麥Sir亦都好可惜咁話:「失去一個咁優秀嘅 救護員係我哋損失,但我希望你哋知道,劍雄到最後一刻都係救緊人。」呢個彩蛋雖然只係短短幾分鐘,但就足以令人喊到收唔聲。雄姐,落更啦。

五個家姐喊得好傷心。

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。