《開心速遞》熊尚水化身「藍藥水」造型竟然激似「任何仁」

昨日香港消防處推出了一個名為「任何仁」的宣傳人物，呢個無眼耳口鼻兼由頭到腳藍色的物體瞬即成為住城熱話，有網民仲話似足日本AV片中男角色。估唔到無綫處境劇《愛‧回家之開心速遞》昨晚播出的一集，竟然都有隻好似「任何仁」的「藍藥水」出現，剛好可以食正呢股熱潮，時間校得啱啱好呀！

其實化身呢隻「藍藥水」的呂慧儀昨日已在她的IG post了成身藍色的造型照來預告當晚的劇情，並留言話：「唔好問點解，今晚自己睇！」 劇中的「藍藥水」由她所飾演的熊尚水化身而成，而獻計叫她換上呢身造型的就是暗戀她的龔燁 (張景淳飾)，好抵死呀。網民都驚訝TVB今次可以跟得咁貼，仲話今次水都被抽乾了。