《G殺》楊卓娜性感演出前有問准老公:太激嘅佢會唔畀我拍

撰文:
最後更新日期:

拍電影劇出身的楊卓娜最近踩埋入電影界,演出了她的處女作電影《G殺》,呢部電影卻被評級為三級片,首次拍電影就拍了一部三級片的她,在官方Trailer中有一幕性感鏡頭,引人遐想。卓娜今日出席活動時,被問到知否該電影是一部三級片時,她說:「拍嗰時唔知㗎,淨係知道係一部懸疑片。電影嘅評級係由電檢處依據一啲準則去決定嘅。」

楊卓娜叫大家買飛入場支持電影《G殺》。(葉志明攝)

提到她於戲中的大膽性感演出,她表示:「其實我拍之前有同導演事先聲明,裸露暴露嘅嘢都唔會做。我有問過導演嗰幕係有需要拍嘅,可以交代到個劇情,並唔係刻意賣弄。至於劇情方面我就賣關子先,大家想知嘅話就買飛入場支持下啦。嗰場戲係講我嘅日常生活,喺度着緊件衫,最緊要拍嘅時候感覺舒服,出嚟嘅效果靚,今次唔算係我從影以嚟最性感嘅一次,之前演TVB嘅《全職沒女》着三點式仲性感啦,嗰次之後我有同啲PA講話以後唔好搵我演呢啲鏡頭。」

佢接拍性感戲份前都會問准老公先。(葉志明攝)

卓娜坦言拍《G殺》呢場性感戲份事前有問准老公:「我有同佢講話場戲係點嘅,我拍呢啲鏡頭之前都會問准佢,要尊重佢㗎嘛,如果太激嘅佢會唔畀我拍㗎。」至於將來再需要性感演出可會考慮,她說:「要睇劇本,最緊要打動到我,成件事係自然同舒服嘅,同埋事前溝通好。作為一個藝術表演者,唔會話局限自己嘅演出,但我又唔需要刻意去接呢類戲。平時自己出席隆重嘅event都會着啲性感晚裝,好難講個尺度去到邊,咁當然會知道自己個底線啦,唔會露三點。」她又透露今次是該電影的監製找她演出:「係一種緣份,我都想支持新晉導演,支持呢個行業。」

楊卓娜閃現性感造型在預告中閃現。(網上擷圖)

佢覺得作為一個藝術表演者,唔會話局限自己嘅演出。(葉志明攝)

一齊重溫楊卓娜在《全職沒女》的演出:



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。