陳琪5歲囡囡想參選港姐 禁仔女做童星：會心痛佢哋咁辛苦
撰文：張嘉敏
出版：更新：
陳琪帶同5歲囡囡胡芷悠 (Jacey) 出席活動，Jacey在人前以及鏡頭前都表現得非常淡定，很有條件做童星，不過，身為媽咪的陳琪就表示不會讓仔女入行做童星。她說：「做童星好辛苦，我同過好多童星演戲，佢哋咁細個拍戲要承受好大嘅壓力，又會有情緒，我唔捨得啲仔女咁樣捱法。同埋想佢哋專心讀好書先。」
陳琪同囡囡Jacey一齊出席活動。（葉志明攝）
她又大爆囡囡Jacey年紀細細已經對自己的外貌充滿信心十足，兼且表演慾強：「佢自信自己好靚佢，成日都話想做香港小姐，我同佢講你係香港嘅小姐，唔係香港小姐，我覺得佢大個咗應該會去參選港姐。不過呢啲嘢無得強求，佢唔係咩天姿國色，等佢大個咗再自己決定。佢好鍾意睇香港小姐競選㗎，會睇晒全場，仲會有自己心水覺得邊個靚。佢見人哋上台啲衫好靚就話好想着，又會見到我啲衫靚叫我留返畀佢，好貪靚。」
佢大爆囡囡想參選香港小姐。（葉志明攝）