陳曉華鄧卓殷將為台慶獻舞 Hera自爆難度大:我手腳唔協調

撰文:
最後更新日期:

應屆港姐冠軍陳曉華(Hera)、亞軍鄧卓殷(Amber)以及友誼小姐陳靜堯(Claudia)今日(8日)齊齊出席「歡樂滿東華2018」開幕儀式。作為一年一度的大型籌款節目,難怪三位港姐也是忠實觀眾,Amber謂:「以前細細個都會睇《歡樂滿東華》,因為係唯一一個做通宵嘅籌款節目,好特別,同埋裡面都有好多唔同嘅表演可以欣賞。」

三位應屆港姐身穿紅色連身裙出席「歡樂滿東華2018」開幕儀式。(梁碧玲攝)

在現今社會,做善事的方法有很多種,而三位港姐也會身體力行,為社會出一分力,例如Hera在讀大學的時候亦有加入義工群組:「讀大學初期都有一直keep住做,但因為後來太忙就擱置咗,而家再返番嚟接觸慈善嘅活動真係好開心。」而Amber則是趁大學暑假去到非洲幫人起公廁,還去柬埔寨幫手起學校。至於Claudia中學時就經常去老人院慰問長者,近年來就幫手清潔海灘。

三位港姐身體力行做善事,分享做義工經歷。(梁碧玲攝)

Hera與Amber將於下個月的《歡樂滿東華》慈善節目內表演,Amber透露現在已經開始訓練:「其實今次我哋表演嘅節目都有小小難度嘅,我哋都好努力咁樣去練習。」但兩位對表演內容就暫時保密。
雖然Hera和Amber向觀眾大賣關子,不過大家可以在接下來的《萬千星輝賀台慶》先睹為快,欣賞兩位的舞蹈,Hera坦言對自己來講好高難度:「因為我唔識跳舞,有小小手腳唔協調啦,我多數都係靠Amber嘅,因為佢係跳舞好叻嘅女仔啦,當時選港姐都問佢好多,佢真係好好啦。」Amber則笑言:「有啲似返當時選港姐嘅時候啦,大家一起學,由零開始,跟住再互相教下大家啦,好開心。」

Hera自爆不懂跳舞,不停向Amber取經,大讚對方好人。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。