【法證先鋒IV】謝賢氣場勁 朱晨麗學到嘢:四哥一坐底就係大俠

撰文:
最後更新日期:

朱晨麗(Rebecca)昨日(8日)出席活動聖誕甜品夢工場的揭幕禮,以一身黑色薄紗連身裙亮相,性感又嫵媚。Rebecca表示自己經常會吃無糖甜品,但慢慢工作時間變長,又要拍打戲,所以需要補充糖分:「識我嗰啲人,譬如話Shaun(譚俊彥)一嚟就會畀幾包糖我,因為有時太辛苦,血糖低會暈。」

Rebecca透露自己私底下曾經為男友整甜品,笑言好不好吃就見仁見智,不過對方就大讚美味。(梁碧玲攝)

近排忙於拍《法證先鋒4》的Rebecca首次同米雪、四哥合作獲益良多,更大讚米雪好戲:「有一場戲我要為佢錄口供,我對著佢其實冇講任何對白,佢自己演戲咋,佢可以抑揚頓挫講完對白,即刻流眼淚。」Rebecca坦言拍了這麼多戲,有時場戲好dry,可能未必即刻流到,需要其他的輔助來幫自己,「但嗰一場戲得幾句對白,佢都可以即刻流,拍完之後佢keep住流,然之後喺度執袋。」Rebecca表示自己學到好多,但就難免緊張,不敢講錯對白,怕令對方NG。
至於四哥,Rebecca說拍攝頭一日已經有合作,不過就未知四哥的角色:「因為我哋未收齊對白,好想知道多啲。」Rebecca還興奮地講到:「四哥一坐喺度就係一個大俠,嗰種氣場、姿態,完全唔需要做啲咩小動作,佢就係佢!」雖然氣場強勁,不過Rebecca指四哥相當友好,還同她講笑,同外表有反差。

Rebecca憶述自己首次拍喊戲,其實需要好多技巧,她說要將自己代入角色才可以喊。本身想向米雪請教如何拍喊戲,但基於頭一次合作,便費事打攪對方。(梁碧玲攝)

無綫電視劇《法證先鋒》系列一直是觀眾心目中的經典劇集,對於第4集大換血,觀眾難免會做出對比,不過Rebecca就話「冇得驚」,但都有壓力:「因為我都係fans嚟嘅,以前喺內地成日播,同埋我哋成家人都會討論,成日都會追。呢套劇咁收得,我可以接到呢個劇本,我可以參演,我真係覺得好榮幸。」同時,Rebecca還大讚小青姐nice,雖然是首次合作,但也非常friendly:「佢會話呢度可以點點點,頭髮可以短小小,即係好detail,feel到佢好敬業,所以我都好榮幸可以同佢合作,無論咩角色,even客串都好,最緊要可以合作囉。」

下個月2號就是Rebecca的31歲牛一,不過她並無特別計劃,因為次次都有變化,所以今次不會安排,說不定有驚喜呢。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。