雙十一晚會陣容拍得住春晚 周杰倫將與Mariah Carey同台登場
撰文：鄺鈺瑩
出版：更新：
黄渤、黄磊、張藝興、羅志祥同王迅今午齊齊現身「雙十一晚會」記者會。（視覺中國）
近年嘅「雙十一晚會」嘅藝人陣容，隨時勁過「春晚」，記得去年「雙十一晚會」章子怡、范冰冰、李宇春、吴亦凡、Jessie J、Pharrell William甚至係妮歌潔曼都有現身，而Pharrell William甚同吴亦凡同台獻唱。至於今年嘅「雙十一晚會將由浙江同東方衛視做直播，喺開騷前日，陣容正式曝光，除有《極限挑戰》成員羅志祥、黃磊、張藝興等人之外，《跑男》AngelaBaby、王祖藍亦都會現身。
去年Pharrell William特意為「雙十一晚會」寫歌，與吴亦凡同台合唱即成微博熱博。
而《極挑》同《跑男》眾人將會將晚會揭開序幕，而TFBOYS成員易烊千璽、「富察皇后」秦嵐、日本女星渡邊直美、吳謹言、張杰等人亦會排住隊出場表演，而壓軸登場嘅，除咗有周杰倫之外，格林獎美得主Mariah Carey亦會以獻問《Emotion》同《Hero》。去年天貓「雙11」單日成交額高達1,682億人仔，今年有多星出席，唔知又會唔會創新高呢！
《跑男》成員將現身晚會，但名單上就未見有李晨。