陳曉華與鄧卓殷參加台慶苦練跳舞 預告《東華》有「爆破性演出」

撰文:
最後更新日期:

2018香港小姐冠軍陳曉華(Hera)及亞軍鄧卓殷(Amber)今日(11/11)現身一項慈善義賣活動,與現場觀眾互動之餘亦擔任義工賣愛心曲奇籌款,兩位港姐對於做善事都非常熱心,Hera表示:「我好鍾意參與呢類型嘅慈善活動,每次係活動入面見到咁多熱心行善嘅人我都會好開心,都希望大家多多支持。」而Amber則表示:「以前讀大學嘅時候都係去外國做義工,而家出席活動反而比較多係喺香港做,見到多啲香港人,看到義工們做得開心,受惠的人也開心,就覺得好有意義。」

Hera與Amber近來除了出席宣傳活動外,無線亦安排了不少訓練課程給她們,一問之下才知道原來過來活動之前兩位幾乎7日24小時都黏在一起訓練。Hera對此表示:「最近主要都係訓練《歡樂滿東華》同台慶嘅表演節目,都要練習一啲高難度嘅動作,我自己之前未試過跳舞,而家有機會試下都幾有趣。」不過訓練課程又怎會不辛苦,Amber就表示:「好似翻學咁要早起,每日都要排舞,一定要Keep住精神到夜晚,同埋真係要確保自己食飽先有體力去練,有時都需要大家互相扶持。」

參選香港小姐之後,Hera與Amber都陸續接觸過不少新鮮事物,例如跳舞、拍劇等,而兩人皆對無線的演藝訓練班讚不絕口:「拍劇對我哋嚟講喺新嘗試,每次都好投入去做,我哋都好鐘意!」不知未來有否機會看到二人同台演出呢?臨未,Amber再三強調;「大家一定要留意我哋喺東華嘅表演,今次對我哋嚟講係一個「爆破性演出」!」

Hera對無線的演藝訓練班讚不絕口:「拍劇對我嚟講喺新嘗試,我好鐘意!」(梁碧玲攝)

Amber再三強調;「大家一定要留意我哋喺東華嘅表演,今次對我哋嚟講係一個「爆破性演出」!」(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。