【是咁的，法官閣下】王君馨初中時代友出頭被欺凌：驚到唔想返學
撰文：賴家杰
出版：更新：
電視劇《是咁的，法官閣下》一眾演員今天（14日）到中學宣傳劇集，包括：黃智賢、關禮傑、王君馨（Grace）、麥明詩、羅天宇等。
王君馨（Grace）今日（14日）到中學宣傳電視劇《是咁的，法官閣下》，見到好多同學仔好開心。（黃國立攝）
校園生活對別人來說可能是充滿青春回憶的地方，但對於Grace來說可能並不是有一個愉快回憶的地方，Grace在訪問中透露當年讀書被「欺凌」的事：「我中學時候畀人欺凌，當初升中學時候會有好多不同人種，嗰個時候喺紐約大家係有少少種族歧視，因為我有一個黑人同白人朋友，我同佢哋好close，一齊上跳舞堂，我記得有一班黑人女仔欺凌我朋友話點解要同唔同種族嘅人一齊玩，當時我可能唔知死，我反而同佢哋講呢個係佢選擇，關你哋乜事，跟住之後我就被人欺凌。」當時候Grace說到身邊的同學欺凌她也用了很多種方法：「會掟筆、掟擦子膠，係轉堂時候又會推我，不過當時我記得有一個朋友佢會見到呢件事幫我擋，但之後佢都受到欺凌。」
Grace最近又被傳出懷孕事情，Grace否認呢一點，其實張相都係幾個月前嘅事。（黃國立攝）
Garce雖然當初是很害怕面對上學這個問題，但她也慶幸沒有去到了一個一發不可收拾的地步，「我聽到其實好多由小學已經開始有呢啲事情發生，當時候我唔開心其中原因係有啲朋友驚同我做朋友而被欺凌，但都有一啲唔係同我最close嘅朋友會放學同我一齊走，呢啲我會銘記在心，因為當時好驚唔夠膽同朋有講，學校發生呢啲事唔想屋企人擔心，但諗返轉頭其實就算唔敢同屋企人講都應該要同信任嘅人講。」
Grace笑言暫時沒有生小朋友計劃。（黃國立攝）